केजरीवालांवर दहशतवादी संघटनेकडून निधी घेतल्याचा आरोप,एनआयए तपास करणार
दिल्लीचे मुख्यमंत्री अरविंद केजरीवाल यांच्या अडचणी वाढत आहे. मद्य घोटाळा प्रकरणात ते आधीच तिहारच्या तुरुंगात आहे. आता त्यांच्यावर शीख फॉर जस्टीस या प्रतिबंधित दहशतवादी संघटनेकडून पैसे घेण्याचा आरोप करण्यात आला आहे.
दिल्लीच्या उपराज्यपालांनी NIA तपासाची शिफारस केली आहे. सूत्रांनी दिलेल्या माहितीनुसार, आम आदमी पार्टीने सिख फॉर जस्टिसकडून 16 दशलक्ष डॉलर्सचा निधी घेतल्याची तक्रार उपराज्यपालांकडे आली आहे. एलजीला हे पत्र वर्ल्ड हिंदू फेडरेशन-इंडिया नावाच्या संस्थेने लिहिले आहे. उपायुक्तांना लिहिलेल्या पत्रात कट्टर खलिस्तानी समर्थक देवेंद्र पाल भुल्लरच्या सुटकेसाठी आणि खलिस्तानी भावनांना प्रोत्साहन देण्याच्या बदल्यात ही देणगी मिळाल्याचे सांगण्यात आले आहे.
आम आदमी पक्षाने 2014 ते 2022 दरम्यान ही पैसे घेतल्याचे सांगण्यात आले असून 2014 मध्ये शीख फॉर जस्टिसचे प्रमुख गुरपतवंत सिंग पन्नू आणि केजरीवाल यांची अमेरिकेतील न्यूयॉर्क शहरात असलेल्या गुरुद्वारामध्ये भेट झाली होती. या भेटीत केजरीवाल यांनी पन्नू यांना 1993 च्या दिल्ली बॉम्बस्फोट प्रकरणात जन्मठेपेची शिक्षा भोगत असलेल्या भुल्लरची तुरुंगातून सुटका करण्यात मदत करू असे आश्वासन दिले होते.
यावर आम आदमी पक्षाचे मंत्री सौरभ भारद्वाज म्हणाले 2022 मध्ये पंजाब निवडणुकांच्या पूर्वी देखील भाजपने असे आरोप केले होते. गृहमंत्री अमितशाह म्हणाले की या बाबत चौकशी करू पण त्यांना तपासणीत काहीच आढळले नाही. निवडणुकीत पराभवाच्या भीतीपोटी भाजप आरोप लावते. मुख्यमंत्री केजरीवाल यांच्या विरोधात मोठे षडयंत्र केले जात असल्याचे सौरभ भारद्वाज म्हणाले. दिल्लीत पराभवाच्या भीतीपोटी भाजप षडयंत्र करत आहे.
Edited By- Priya Dixit
