4 जूनला झळकणार ‘द एकोलाइट’

4 जूनला झळकणार ‘द एकोलाइट’

ओटीटीवर होणार सीरिज प्रदर्शित
चालू वर्षातील सर्वात बहुप्रतीक्षित वेबसीरिजपैकी एक ‘स्टार वॉर्स : द एकोलाइट’चा नवा ट्रेलर सादर करण्यात आला आहे. या सीरिजमध्ये प्रेक्षकांना भरपूर अॅक्शन पहायला मिळणार आहे. या सीरिजमध्ये एमी-विजेता स्क्विड गेम अभिनेता ली जंग-जे, अमांडला स्टेनबर्ग आणि द मॅट्रिक्स स्टार कॅरी-ऐनी मॉस दिसून येणार आहे.
‘स्टार वॉर्स : द एकोलाइट’च्या ट्रेलरमध्ये द हाय रिपब्लिक युगादरम्यान सिथ कसे प्रतीत होते हे दिसून येते. ट्रेलरमध्ये अॅक्शनचा फूल डोस दाखविण्यात आला आहे. हा ट्रेलर पाहून चाहते स्वत:च्या प्रतिक्रिया व्यक्त करत आहेत. या आगामी सीरिजमध्ये चार्ली बार्नेट, मॅनी जैसिंटो, डीन-चार्ल्स चॅपमॅन, जूनास सुओटामो, डॅफने कीन, जोडी टर्नर-स्मिथ आणि रेबेका हेंडरसन हे दिग्गज कलाकार दिसून येणार आहेत.  तर स्टार वॉर्स : द एकोलाइट ही सीरिज 4 जून रोजी ओटीटीवर प्रदर्शित होणार आहे. या सीरिजचा प्रीमियर डिस्ने प्लस हॉटस्टारवर होणार आहे.