घरी सहज उपलब्ध असलेल्या साहित्यातून बनवता येतील अशा सोप्या आणि झटपट चॉकलेट रेसिपी.
इन्स्टंट चॉकलेट मूस
साहित्य
१ कप डार्क चॉकलेट (तुकडे केलेले)
१ कप व्हिपिंग क्रीम किंवा फ्रेश क्रीम
१ चमचा साखर (आवडीनुसार)
व्हॅनिला एसेन्स.
कृती-
१. प्रथम चॉकलेटचे तुकडे एका बाऊलमध्ये घ्या आणि डबल बॉयलरवर किंवा ओव्हनमध्ये ३० सेकंद गरम करून वितळवून घ्या.
२. दुसऱ्या बाऊलमध्ये थंड क्रीम घेऊन ती घट्ट (stiff peaks) होईपर्यंत फेटून घ्या.
३. वितळलेले चॉकलेट थोडे कोमट झाले की ते हळूहळू क्रीममध्ये मिसळा (खूप जोरात हलवू नका, हलक्या हाताने मिक्स करा).
४. हे मिश्रण लहान ग्लासमध्ये काढून फ्रीजमध्ये १-२ तास सेट व्हायला ठेवा.
५. वरून थोडे चॉकलेट किसून किंवा स्ट्रॉबेरी लावून सर्व्ह करा.
बिस्किट चॉकलेट बॉल्स
साहित्य
१ पाकीट मेरी किंवा पारले-जी बिस्किटे
४ चमचे कोको पावडर
अर्धा कप कंडेन्स्ड मिल्क किंवा पिठीसाखर
२ चमचे लोणी बटर,
सुके खोबरे किंवा स्प्रिंकल्स
कृती-
१. बिस्किटांचा मिक्सरमध्ये बारीक चुरा करून घ्या.
२. एका बाऊलमध्ये बिस्किटांचा चुरा, कोको पावडर आणि वितळलेले लोणी एकत्र करा.
३. त्यात थोडे थोडे कंडेन्स्ड मिल्क घालून घट्ट गोळा तयार करा.
४. या मिश्रणाचे छोटे छोटे गोल लाडू (बॉल्स) वळून घ्या.
५. हे बॉल्स सुक्या खोबऱ्यात किंवा रंगीत स्प्रिंकल्समध्ये घोळवून घ्या.
६. १० मिनिटे फ्रीजमध्ये ठेवून मग खाण्यासाठी द्या.
चॉकलेट मग् केक
साहित्य-
४ चमचे मैदा
२ चमचे कोको पावडर
३ चमचे साखर
१/४ चमचा बेकिंग पावडर
३ चमचे दूध
२ चमचे तेल
कृती:
१. एका मोठ्या कपमध्ये सर्व कोरडे साहित्य एकत्र करा.
२. त्यात दूध आणि तेल घालून गुठळ्या होणार नाहीत अशा प्रकारे नीट फेटून घ्या.
३. हा कप मायक्रोवेव्हमध्ये फक्त १.५ ते २ मिनिटे ठेवा.
४. गरम गरम चॉकलेट केक तयार! वरून चॉकलेट सॉस घालून आस्वाद घ्या.
चॉकलेट डेझर्टवर थोडे बारीक केलेले बदाम, अक्रोड किंवा व्हॅनिला आईस्क्रीमचा स्कूप घातल्यास त्याची चव अधिकच वाढते.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीची पूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
ALSO READ: Valentine Special फक्त ५ मिनिटांत बनवा व्हॅलेंटाईन स्पेशल ‘स्ट्रॉबेरी डिलाईट’ मॉकटेल
Edited By- Dhanashri Naik
ALSO READ: Valentine’s Special Rose Tea घरगुती व्हॅलेंटाईन स्पेशल रोझ टी हा एक उत्तम पर्याय; नक्की ट्राय करा
