पिंपरी चिंचवड महापालिका अव्वल : मोहनमाया भंडारी

पिंपरी चिंचवड महापालिका अव्वल : मोहनमाया भंडारी

पिंपरी : पिंपरी-चिंचवड महापालिकेचा व्यापक विस्तार, केलेली व करण्यात येत असलेली विकासकामे व लोकभिमुख दृष्टीकोन पाहून आमचा आत्मविश्वास वाढला आहे. भविष्यात ही महापालिका कामकाजाच्याबाबतीत अव्वल दर्जा प्राप्त करेल याची खात्री आहे, असे मत नेपाळमधील बिरेंद्रनगर नगर पालिकेच्या नगराध्यक्षा मोहनमाया भंडारी यांनी शुक्रवारी व्यक्त केले.
शहरातील प्रकल्पांची दिली माहिती
नेपाळ येथील शिष्टमंडळाने महापालिका भवनास भेट दिली. आयुक्त तथा प्रशासक शेखर सिंह यांनी त्यांचे स्वागत केले. विकासकामांबाबत त्यांना माहिती दिली. त्यावेळी आयुक्तांशी चर्चा करताना त्या बोलत होत्या. या वेळी अतिरिक्त आयुक्त विजयकुमार खोराटे, उल्हास जगताप, कार्यकारी अभियंता बापूसाहेब गायकवाड, जनता संपर्क अधिकारी प्रफुल्ल पुराणिक, शहरी प्रकल्प सल्लागार आशिक जैन, प्रांजल कुलकर्णी आदी उपस्थित होते.
शिष्टमंडळात नेपाळचे माजी पर्यटन मंत्री यमलाल कांडेल, बिरेंद्रनगर नगरपालिकेच्या उपनगराध्यक्ष निळकंठ खनाल, प्रशासकीय विभागप्रमुख प्रकाश टंक लमिच्छ्।ने, प्रकल्प व्यवस्थापक प्रतिष्ठा कांडेल, प्रकल्प अधिकारी अलिशा कारकी यांचा समावेश होता. आयुक्त सिंह यांनी शिष्टमंडळास माहिती देताना महापालिका राबवत असलेले प्रकल्प, शहरातील वाहतूक, पार्किंग व्यवस्था, शहरातील पादचारी व सायकल मार्ग याचे नियोजन, पाणीपुरवठा व ड्रेनेजलाइन आदींबाबत नागरिकांचा सहभाग घेऊन करीत असलेल्या उपयायोजनांविषयी सविस्तर माहिती दिली.
हेही वाचा
लाच प्रकरण : अभियंता गणेश वाघाच्या घरात 15 तोळे सोने
धनगर आरक्षणाचा प्रश्न सरकार सोडवू शकत नाही : विजय वडेट्टीवार 
भुजबळला पाडायचं सोडा, भुजबळ किती जणांना पाडेल त्याचा हिशोब राहू द्या : छगन भुजबळ
The post पिंपरी चिंचवड महापालिका अव्वल : मोहनमाया भंडारी appeared first on पुढारी.

Go to Source