समुद्रकिनाऱ्यावर खडकांचा अद्भूत संगम

समुद्रकिनाऱ्यावर खडकांचा अद्भूत संगम

छायाचित्रे काढण्यासाठी लागतात लोकांच्या रांगा
समुद्रकिनारे सर्वसाधारणपणे विविधतेने नटलेले नसतात. परंतु तैवानच्या  येहलिउमध्ये गेला तर तुम्ही दंग व्हाल. येहलिए जवळपास 1700 मीटर लांबीचे एक केप असून ते दातुन पर्वतापासून समुद्रात शिरलेले दिसून येते. याला ‘येहलिउ कासव’ देखील म्हटले जाते. येथील खास खडकांना हवामानाने कालौघात दिलेले आकार पाहून लोक अवाक् होतात. याचमुळे हे तैवानच्या अनोख्या आणि खास पर्यटन स्थळामध्ये सामील आहे.
तैवानच्या न्यू तैपेईच्या वेनली शहरानजीक समुद्रकिनाऱ्यावरील या भागात मशरूमच्या आकाराच्या अजब आकृती दिसून येतात. या आकृती प्रत्यक्षात समुद्र किनाऱ्यावरील दगडाच्या आवरणात चुनादगडाचे खडक आहेत. हा भाग तीन हिस्स्यांमध्ये विभागला गेला असून यातील दोन हिस्स्यांमध्ये विशेष प्रकारचे खडक आहेत, तर सागरी गुहा देखील आहेत.
या ठिकाणी या खडकांच्या चहुबाजूला फिरून लोक छायाचित्रे काढून घेत असतात. याचबरोबर येथे विविध आकार प्राप्त केलेले खडक असल्याने लोकांच्या आश्चर्यात भर पडते. येथील सर्वात मोठे आकर्षण सॉवरेनच्या कब्रचा खडक आहे.  हा जवळपास 4 हजार वर्षे जुना आहे. या प्रसिद्ध खडकांपैकी एक असून सर्वाधिक पाहिला जाणारा स्थळाकृतीयुक्त पार्क आहे. याचबरोबर हे वानली लोकेलची प्रतिमा दर्शविणारा आहे. या खडकासोबत छायाचित्रे काढून घेण्यासाठी येथे मोठ्या रांगेत उभे रहावे लागते.
या क्षेत्रात जमिनीवर सागरी किनाऱ्याचे जीवाश्म आहेत, लाटा सॉवरेनच्या प्रमुख खडकांना विघटित करतात, परंतु काही काळानंतर मानवी प्रभावामुळेही त्यांचे नुकसान होते. येथील एंटरटेनमेंट एरिया सकाळी 8 वाजल्यापासून संध्याकाळी 5 वाजेपर्यंत खुला असतो, परंतु येहलिउ पाहण्याची सर्वोत्तम सकाळी 9 वाजण्यापूर्वीची आहे.
पूर्ण येहलिउ जियोपार्क 1.7 किलोमीटरपर्यंत फैलावलेले आहे. याचमुळे पर्यटकांना प्रवासात मनोरंजन क्षेत्र आणि समुद्राचे पूर्ण दृश्य अनुभवण्याचा सल्ला दिला जातो. स्थलाकृतिक समीक्षा आणि क्षेत्र संशोधनासाठी हे ठिकाण योग्य आहे.