बिजगर्णीजवळ कार उलटून वडगावचे चौघे जखमी

बिजगर्णीजवळ कार उलटून वडगावचे चौघे जखमी

बेळगाव : भरधाव कार उलटल्याने चौघे जण जखमी झाले. सोमवारी रात्री बिजगर्णी, ता. बेळगावजवळ हा अपघात घडला असून सर्व जखमींना खासगी इस्पितळात हलविण्यात आले आहे. केए 17, डी 9419 क्रमांकाची कार राकसकोपहून बेळगावकडे येत होती. रात्री बिजगर्णीजवळ चालकाचे नियंत्रण सुटून कार उलटली. चारही जखमींना स्थानिक नागरिकांनी रुग्णवाहिकेतून बेळगावला पाठविले. घटनेची माहिती समजताच बेळगाव ग्रामीण पोलीस घटनास्थळी दाखल झाले. जखमी वडगाव परिसरातील असल्याची माहिती मिळाली असून यासंबंधी अधिक तपशील उपलब्ध झाला नाही.