Badminton: यथीराज, प्रमोद आणि कृष्णाने पॅरा बॅडमिंटन वर्ल्ड चॅम्पियनशिपमध्ये सुवर्णपदक जिंकले
भारताच्या सुहास यथीराज, प्रमोद भगत आणि कृष्णा नागर यांनी रविवारी थायलंडमधील पटाया येथे पार पडलेल्या पॅरा बॅडमिंटन जागतिक स्पर्धेत प्रभावी कामगिरी केली. तिघांनीही पुरुष एकेरी SL4, SL3 आणि SH6 स्पर्धेत अनुक्रमे सुवर्णपदके जिंकली. पॅरालिम्पिक रौप्यपदक विजेत्या जागतिक क्रमवारीत तिसऱ्या क्रमांकावर असलेल्या यथीराजने SL4 फायनलमध्ये इंडोनेशियाच्या फ्रेडी सेटियावानचा 21-18, 21-18 असा पराभव करून पहिले जागतिक विजेतेपद पटकावले.
कर्नाटकातील यथीराज हे उत्तर प्रदेश केडरचे 2007 च्या बॅचचे आयएएस अधिकारी आहेत. ते म्हणाले, “सुवर्णपदक जिंकल्याचा मला आनंद आहे आणि जगज्जेता झाल्याचा मला अभिमान आहे.” ते सध्या उत्तर प्रदेश सरकारमध्ये युवा कल्याण आणि प्रांतीय रक्षक दलाचे सचिव आणि महासंचालक आहेत. चीनमधील पॅरा आशियाई क्रीडा स्पर्धेत एक सुवर्ण आणि दोन कांस्यपदक जिंकणाऱ्या भगतने SL3 फायनलमध्ये इंग्लंडच्या डॅनियल बेथेलचा 14-21 21-15 21-14 असा पराभव केला.
Edited By- Priya Dixit