आवाज फाऊंडेशन गणेशोत्सवात ध्वनी प्रदूषण रोखणार

आवाज फाऊंडेशन गणेशोत्सवात ध्वनी प्रदूषण रोखणार

गणेशोत्सवानिमित्त आवाज फाऊंडेशनने मुंबई (mumbai) पोलीस, जिल्हा अधिकारी आणि प्रदूषण नियंत्रण संस्थांचे लक्ष वेधले आहे. न्यायालयाने सरकारी अधिकाऱ्यांना डिस्को जॉकी आणि उच्च-डेसिबल संगीत वाद्यांवर बंदी घालण्यास सांगितले आहे. मिरवणुकांचा आकार मर्यादित ठेवावा आणि जास्त आवाजामुळे होणाऱ्या आरोग्याच्या धोक्यांबद्दल सार्वजनिक सुचना द्यावी, असे आदेश दिले आहेत.आवाज फाऊंडेशनने या खटल्यात ध्वनी प्रदुषणा (noise pollution) विरोधात याचिका दाखल केली होती. ज्यामुळे न्यायालयाने (court) सरकारला आवाजाचे नियम लागू करण्याचे निर्देश दिले होते. तसेच असे म्हटले आहे की, या निर्देशांची मुंबईत अमबलबजावणी झाली पाहिजे.आवाज फाऊंडेशनने सांगितले की, 2003 पासून ते मुंबईतील ध्वनी प्रदूषणाची पातळी मोजत आहे. 2023 मध्ये, उत्सवाच्या काळात लाऊडस्पीकरमधून सर्वाधिक आवाजाची पातळी गणपती विसर्जन दरम्यान 114.7dB आणि ईद-ए-मिलाद दरम्यान 108.1 dB इतकी होती. लोकवस्ती असणाऱ्या झोनमध्ये आवश्यक डेसिबल पातळीपेक्षा आवाजाचे हे प्रमाण जास्त आहे. असे आवाज फाऊंडेशनच्या सुमैरा अब्दुलाली यांनी सांगितले.न्यायालयाने 30 ऑगस्ट रोजी दिलेल्या आपल्या आदेशात राज्य पर्यावरण विभाग, पुणे जिल्हाधिकारी आणि महाराष्ट्र प्रदूषण नियंत्रण मंडळ, पुणे पोलिस आणि पुणे महापालिका आयुक्तांना उत्सवादरम्यान ध्वनी प्रदूषण नियंत्रित करण्यासाठी नवीन निर्देशांचे पालन करण्यास सांगितले. एरंडवणे येथील रहिवासी डॉ. कल्याणी मांडके यांच्या अर्जावर न्यायमूर्ती दिनेश कुमार सिंग आणि सदस्य डॉ. विजय कुलकर्णी यांनी हे निर्देश दिले आहेत. न्यायाधीशांनी सांगितले की त्यांना वाटते की काही अतिरिक्त निर्देश जारी करणे आवश्यक आहे. या वर्षीच्या गणेशोत्सवासाठी या निर्देशांची तात्काळ अंमलबजावणी केली जाईल, असे ते म्हणाले.एनजीटीचे निर्देशएमपीसीबी (MPCB) स्वतःच्या खर्चाने प्रत्येक मंडळात किमान तीन ठिकाणी रिअल-टाइम आवाजाचे निरीक्षण करेल. विसर्जन मिरवणुकीदरम्यान, एमपीसीबी पोलिसांशी सल्लामसलत करून प्रमुख वाहतूक जंक्शन्सवर रिअल-टाइम ध्वनी निरीक्षण करेल आणि योग्य आकाराचे डिजिटल डिस्प्ले बोर्ड देखील स्थापित करेल. आणि योग्य ठिकाणी रीअल-टाइम आवाजाची पातळी दर्शवेल.या डिस्प्लेमध्ये “ध्वनी मर्यादेपेक्षा जास्त आवाजाची पातळी आरोग्यासाठी हानिकारक आहे” असा इशारा देण्यात येईल. पोलीस विभाग, MPCB सोबत सल्लामसलत करून, शाळा/रुग्णालय/निवासी संकुलांच्या शेजारी असलेले ठिकाण विचारात घेऊन, लाऊडस्पीकरची एकूण आवाजाची पातळी त्या ठिकाणाच्या आधारे ठरवेल.मिरवणुकीत प्रत्येक ताफ्यातील ढोल, ताशा, झांज सदस्यांची एकूण संख्या 30 पेक्षा जास्त नसावी याची दक्षता पोलीस विभागाकडून घेण्यात येईल. पोलिसांनी उल्लंघन करणाऱ्यांकडून लाऊडस्पीकर, साउंड सिस्टीम आणि वाद्ये जप्त करून त्यांच्याविरुद्ध तत्काळ फौजदारी कारवाई सुरू करावी.एमपीसीबी नॉईज नियम 2000 चे उल्लंघन करणाऱ्यांची नावे दोन स्थानिक वृत्तपत्रांमध्ये प्रकाशित करेल आणि सार्वजनिक माहिती म्हणून त्यांच्या वेबसाइटवर तपशील अपलोड करेल.हेही वाचाMMR मधील पहिला डबल डेकर फ्लायओव्हर प्रवाशांच्या सेवेत
मुंबई : महारेरा वेबसाईट दोन दिवस बंद राहणार

Go to Source