परभणी : गौर येथे शनिवारी मनोज जरांगे यांची संवाद बैठक
पूर्णा: Bharat Live News Media वृत्तसेवा : तालुक्यातील गौर येथे जागृत देवस्थान श्री सोमेश्वर यात्रा महोत्सवानिमित्त शनिवारी (दि. २०) सायंकाळी ४ वाजता मराठा आंदोलनाचे नेते मनोज जरांगे पाटील यांची संवाद बैठक आयोजित करण्यात आली आहे. त्या अनुषंगाने गौर फाटा येथील भगवानराव जोगदंड यांची खारीची सुमारे ९ एकर जमीन बैठकीसाठी आरक्षित करण्यात आली आहे. Manoj Jarange
या जागेची साफसफाई करून मैदान तयार करण्यात आले आहे. वाहनांची व्यवस्था स्वखर्चाने केली जात आहे. पूर्णा तालुक्यातील सकल मराठा समाज बांधव सढळ हाताने पिण्याचे पाणी, नाष्टा आदी जीवनावश्यक वस्तूंची व्यवस्था करणार आहे. या बैठकीसाठी परभणी, नांदेड, हिंगोली जिल्ह्यातील हजारो मराठा बांधव येणार असल्याचे सांगितले जात आहे. Manoj Jarange
गौर गावातील सकल मराठा समाज बांधवांनी मराठा आरक्षणाच्या लढ्यात सातत्याने सक्रिय सहभाग नोंदवल्याने जरांगे- पाटील यांनी येथील संवाद बैठकीस होकार दिल्याची माहिती गौर येथील मराठा समन्वयकांनी ‘दैनिक Bharat Live News Media’शी बोलताना दिली.
हेही वाचा
परभणी : पूर्णा तालुक्यात ईकेवायसीअभावी रखडले अवकाळी नुकसानग्रस्तांचे अनुदान
परभणी : चक्रीवादळाने हाहाकार; जनावरांचे गोठे; विजेचे खांब, आमराई जमिनदोस्‍त
हिंगोली: परभणी, पूर्णा शहरात पाणीटंचाई: सिद्धेश्वर धरणातून २ हजार क्यूसेक
Latest Marathi News परभणी : गौर येथे शनिवारी मनोज जरांगे यांची संवाद बैठक Brought to You By : Bharat Live News Media.
