भगवान श्रीकृष्णाच्या जीवनाशी जोडलेली अद्भुत तीर्थस्थळे; ही पवित्र ठिकाणे यात्रेच्या यादीत नक्कीच असली पाहिजेत

भगवान श्रीकृष्णाच्या जीवनाशी जोडलेली अद्भुत तीर्थस्थळे; ही पवित्र ठिकाणे यात्रेच्या यादीत नक्कीच असली पाहिजेत

India Tourism : भगवान श्रीकृष्ण हे भारतीय संस्कृतीचे आणि अध्यात्माचे महानायक आहे. त्यांचे जीवन जन्मापासून ते निर्वाणापर्यंत विविध चमत्कारांनी आणि शिकवणींनी भरलेले आहे. तसेच हिंदू धर्मात, भगवान विष्णूचे अनेक अवतार वेगवेगळ्या युगात जन्माला आले. त्यापैकी एक भगवान श्रीकृष्ण आहे, ज्यांचे जीवन धर्म, नीतिमत्ता, प्रेम आणि भक्तीचा एक अद्भुत संगम आहे.  भगवान श्रीकृष्णाचा जीवन प्रवास आपल्याला प्रेम, धर्म, नीतिमत्ता आणि त्यागाचा संदेश देतो. जर तुम्हाला धार्मिक तीर्थयात्रेची आवड असेल किंवा तुम्ही कृष्णाचे भक्त असाल, तर भगवान श्रीकृष्णाची ही पवित्र ठिकाणे तुमच्या तीर्थयात्रेच्या यादीत नक्कीच असली पाहिजेत.या पवित्र ठिकाणांना भेट देणे हा केवळ धार्मिक अनुभव नाही तर आध्यात्मिक जागृतीची संधी देखील आहे. जर तुम्हाला तुमच्या जीवनात सकारात्मक ऊर्जा आणि आध्यात्मिक शांती हवी असेल, तर तुम्ही भगवान श्रीकृष्णाच्या या दिव्य तीर्थस्थळी नक्कीच भेट द्या. 

ALSO READ: वृंदावन यात्रेपूर्वी, अत्यंत शुभ मानल्या जाणाऱ्या या ठिकाणांनाही नक्कीच भेट द्या

मथुरा (उत्तर प्रदेश) – जन्मस्थान

हे श्रीकृष्णाचे जन्मस्थान आहे. कंसाच्या कारागृहात श्रावण वद्य अष्टमीला कृष्णाचा जन्म झाला होता. येथे ‘श्रीकृष्ण जन्मभूमी’ मंदिर असून, आजही तिथे तो प्राचीन कारागृहसदृश भाग पाहायला मिळतो. मथुरेतील विश्राम घाट असा आहे जिथे कंसाचा वध केल्यानंतर श्रीकृष्णाने विश्रांती घेतली होती.

गोकुळ आणि वृंदावन (उत्तर प्रदेश) – बाललीला

कृष्णाचे बालपण गोकुळात गेले आणि तारुण्य वृंदावनात.असे मानले जाते की आजही दररोज रात्री येथे श्रीकृष्ण आणि राधा रासलीला करतात. रात्रीच्या वेळी येथे कोणालाही थांबण्याची परवानगी नसते. येथील झाडे एकमेकांत गुंफलेली आहे.

ALSO READ: बांके बिहारी मंदिर मथुरा

बांके बिहारी मंदिर

येथील मूर्तीकडे सतत पाहू नये असे मानले जाते, म्हणून दर काही मिनिटांनी मूर्तीसमोर पडदा ओढला जातो.

द्वारका (गुजरात) – कर्मभूमी आणि राजधानी

कंसाच्या वधानंतर यादवांच्या संरक्षणासाठी कृष्णाने समुद्राच्या मधोमध आपली राजधानी ‘द्वारका’ वसवली. मुख्य ‘द्वारकाधीश मंदिर’ (जगत मंदिर) हे ५००० वर्षांहून अधिक जुने असल्याचे मानले जाते. या मंदिराचा ध्वज दिवसातून ५ वेळा बदलला जातो. सर्वात आश्चर्यकारक म्हणजे, प्राचीन द्वारका नगरी खरोखरच समुद्रात बुडाली असल्याचे पुरावे आधुनिक समुद्र संशोधकांना सापडले आहेत.

कुरुक्षेत्र (हरियाणा) – गीतेचा उगम

येथे महाभारताचे धर्मयुद्ध झाले आणि श्रीकृष्णाने अर्जुनाला ‘श्रीमद्भगवद्गीता’ सांगितली.

कुरुक्षेत्रातील ‘ज्योतिसर’ नावाच्या ठिकाणी तो वटवृक्ष आजही आहे, ज्याच्या खाली कृष्णाने गीतेचे ज्ञान दिले होते असे मानले जाते.

भालका तीर्थ (गुजरात) – निर्वाण स्थळ

सोमनाथ मंदिराजवळ हे स्थान आहे. एका पारध्याचा बाण लागल्यानंतर श्रीकृष्णाने याच ठिकाणी आपला देह त्यागला आणि वैकुंठाला प्रस्थान केले. येथे श्रीकृष्णाची विश्राम मुद्रेतील अतिशय सुंदर मूर्ती आहे. या ठिकाणी भगवान विष्णूच्या पदचिन्हांचीही पूजा केली जाते.

पुरी (ओडिशा) – जगन्नाथ मंदिर

हे हिंदू धर्मातील चार धामांपैकी एक आहे. येथे श्रीकृष्ण ‘जगन्नाथ’ (विश्वाचा स्वामी) म्हणून विराजमान आहे. या मंदिराची अनेक रहस्ये विज्ञानालाही कोड्यात टाकतात. उदा. मंदिराच्या शिखरावरील ध्वज वाऱ्याच्या उलट दिशेला उडतो, मंदिरावर पक्षी उडत नाहीत आणि मंदिराच्या घुमटाची सावली कधीही जमिनीवर पडत नाही.

ALSO READ: Jagannath Puri temple 3rd stair story जगन्नाथ मंदिरातील तिसर्‍या पायरीवर पाऊल का ठेवत नाही? गुपित जाणून घ्या