नागपूर : कपडे वाळवताना महिलेला वीजेचा धक्का बसला; वाचवण्यासाठी गेलेल्या मुलाचाही मृत्यू
नागपूर शहरातील खापरखेडा पोलीस स्टेशन परिसरात शुक्रवारी सकाळी कपडे वाळवताना एका महिलेला आणि तिच्या मुलाला वीजेचा धक्का बसला. जयभोले नगर येथील घटनेत निर्मला उत्तम सोनटक्के (५१) आणि तिचा मुलगा लोकेश उत्तम सोनटक्के (३१) यांचा मृत्यू झाला, अशी माहिती पोलिसांनी दिली.
ALSO READ: इंदूर वंदे भारतमध्ये आता 16 कोच असतील; 24 नोव्हेंबरपासून बदल लागू
मिळालेल्या माहितीनुसार निर्मला कपडे सुकविण्यासाठी धातूच्या तारेवर कपडे लटकवत असताना तार ओव्हरहेड वीज लाईनला लागली आणि त्यांना लगेचच वीजेचा धक्का बसला. त्यांच्या ओरडण्याचा आवाज ऐकून रात्रीच्या शिफ्टवरून परतलेला आणि झोपलेला तिचा मुलगा लोकेश त्यांच्या मदतीला धावला. त्यांना स्पर्श करताच त्यालाही विजेचा धक्का बसला. दोघांचाही जागीच मृत्यू झाला. या घटनेने परिसरात शोककळा पसरली.
ALSO READ: वाशिममध्ये शिवसेना यूबीटी उपजिल्हाप्रमुख नागोराव ठेंगडे यांनी पदाचा राजीनामा दिला
Edited By- Dhanashri Naik
ALSO READ: लाडकी बहीण योजनेत सरकारने ई-केवायसी 31 डिसेंबरपर्यंत वाढवली, सरकार विभागवार चौकशी करणार