ठाण्यातील ‘या’ भागांमध्ये रविवारपर्यंत पाणीकपात

मुंबई पालिकेकडून ठाणे पालिकेला मिळणाऱ्या पाणी पुरवठ्यात कपात झाली आहे. याशिवाय दुरुस्तीच्या कामामुळे बंधाऱ्यातील पाण्याची पातळीही कमी झाल्यामुळं ठाण्याला केल्या जाणाऱ्या पाणीपुरवठ्यातही घट झाली असल्याचं सांगितलं जात आहे. (Thane Water Supply) सरासरी 30 टक्के पाणी कपातीमुळे साधारण आठवडाभर ठाणे पालिका क्षेत्रातील काही भागांमध्ये टप्प्याटप्प्यानं 24 तासांसाठी पाणी पुरवठा बंद ठेवण्याचा निर्णय घेण्यात आला आहे. पाणीपुरवठा बंद ठेवूनच पाणी वितरण केलं जाणार असल्याचं पालिकेकडून सांगण्यात आल्यामुळं आता ठाणेकरांची चिंता वाढली आहे.  मुंबई पालिकेकडून ठाण्याला पाणीपुरवठा करणाऱ्या पिसे इथं असणाऱ्या ‘न्यूमॅटिक गेट सिस्टीम’ या यंत्रणेमध्ये काही तांत्रिक बिघाड झाल्यामुळं या प्रणालीच्या दुरुस्तीचं काम 1 डिसेंबरपासून हाती घेण्यात आलं आहे. परंतु ठाणे पालिकेच्या पम्पिंग स्टेशनवरही याचा परिणाम झाला आहे. त्यामुळेच पाणी कपातीचा सामना करावा लागत आहे.  कोणकोणत्या भागात कधी बंद असेल पाणीपुरवठा?  3 डिसेंबर – मानपाडा, कोठारी कम्पाऊंड, ढोकाळी, माजिवाडा, डोंगरी पाडा, विजयनगरी, विजयपार्क, वाघबीळ, आनंदनगर, कासारवडवली, मनोरमा नगर, रुणवाल 4 डिसेंबर – सुभाषनगर, नळपाडा, वसंत विहार, गांधीनगर, लोकपूरम, लोक उपवन, गावंड बाग, उन्नती, शास्त्रीनगर 1 आणि 2, एमएमआरडीए, तुळशीधाम, सुरकरपाडा, सिद्धांचल, कोकणीपाडा 5 डिसेंबर – आझाद नगर, खोपट, सिव्हिल हॉस्पिटल परिसर, सिद्धेश्वर, चंदनवाडीपाटीलवाडी, चरई, मावळी मंडळ, कोलबाड, गोकुळ नगर, डॉ. बाबासाहेब आंबेडकर रोड परिसर, भास्करनगर, पौड पाडा, खारेगाव, रघुकुल, पारसिक नगर, कॉम्प्लेक्स, डॉ. बाबासाहेब आंबेडकर नगर, कळवा, मनीषानगर, आतकोणेश्वर नगर 6 डिसेंबर – सम्राट नगर, नारायण नगर, मेक कंपनी, जलकुंभ ते शंकर मंदिर, संजय नगर परिसर, दत्तवाडी, बॉम्बे कॉलनी, जीवन बाग, मुंब्रा देवी, शैलेश नगर, उदयनगर, रेतीबंदर 7 डिसेंबर – विकास कॉम्प्लेक्स, डॉ. बाबासाहेब आंबेडकर नगर, कळवा, मनीषानगर, राबोडी 1 आणि 2, आकाशगंगा, जेल टाकी परिसर, जरीमरी, वृंदावन, श्रीरंग, आतकोणेश्वर नगर, भास्करनगर, पौड पाडा, खारेगाव, रघुकुल, पारसिक नगर 8 डिसेंबर – रघुनाथनगर, इटर्निटी, विष्णूनगर, भास्कर कॉलनी, ब्राह्मण सोसायटी, घंटाळी, राम मारुती रोड, मनोरुग्णालय परिसर, रहेजा, कशिश पार्क, शिवाजी नगर, धर्मवीर नगर, साठेवाडी, लोकमान्य पाडा 1 आणि 2, दोस्ती, वेदांत, आकृती संकुल, अरुण क्रीडा मंडळहेही वाचा माटुंगा: वादग्रस्त पार्किंग टॉवरमुळे रहिवासी पालिकेवर संतप्तमुंबईत 10 टक्के पाणीकपात!