अनुभवी फलंदाजाचे आकस्मिक निधन
Veteran batsman dies suddenly क्रिकेट जगतातील एका दिग्गजाने या जगाचा निरोप घेतला. या ज्येष्ठाचा कार अपघातात मृत्यू झाला आहे. त्यांच्या निधनाचे वृत्त समजताच क्रिकेट विश्वात शोककळा पसरली आहे. या अनुभवी खेळाडूने शेवटचा आंतरराष्ट्रीय सामना भारताविरुद्धच खेळला होता. यानंतर ते निवड समितीचे अध्यक्षही राहिले.
वेस्ट इंडिज क्रिकेट बोर्डाचे अध्यक्ष असलेले अनुभवी ऑफस्पिनर क्लाइड बट्स यांचे निधन झाले आहे. गयानाचा माजी कर्णधार आणि वेस्ट इंडिजचा ऑफस्पिनर शुक्रवारी कार अपघातात मरण पावला. वेस्ट इंडिज क्रिकेटने ट्विटरवर त्याच्या मृत्यूची पुष्टी केली आहे. वेस्ट इंडिज क्रिकेटने आपल्या ट्विटमध्ये लिहिले की, गयानाचा माजी कर्णधार आणि वेस्ट इंडिजचा ऑफस्पिनर क्लाइड बट्स यांचे आज संध्याकाळी निधन झाले. आम्ही त्यांचे कुटुंब, मित्र आणि प्रियजनांप्रती मनापासून शोक व्यक्त करतो. त्यांच्या आत्म्याला शांती लाभो.
विंडीज संघाचा माजी ऑफस्पिन गोलंदाज आणि संघाच्या निवड समितीचे अध्यक्ष क्लाईड बट्स यांचा रस्ता अपघातात मृत्यू झाल्याने क्रिकेट विश्वात शोककळा पसरली आहे. क्रिकेटशी संबंधित लोक त्यांना श्रद्धांजली अर्पण करत आहेत.