वसंत मोरे यांच्या अडचणीत वाढ; पुण्यात गुन्हा दाखल
सोशल मीडियाचा वापर करणे पुण्याचे माजी नगर सेवक वसंत मोरे यांना चांगलेच भोवले आहे. फेसबुकवर प्रक्षोभक आणि वादग्रस्त विधान पोस्ट केल्याने ते अडचणीत सापडले आहे. त्यांच्यावर पुण्यात गुन्हा दाखल केला आहे. या प्रकरणामुळे पुण्यात खळबळ उडाली आहे.
ALSO READ: “मला मॅनेज करणारा अजून जन्माला आलेला नाही…” नितीन गडकरी यांचे स्पष्ट शब्द; पेट्रोलियम लॉबीला इशारा
मिळालेल्या माहितीनुसार, वसंत मोरे यांनी त्यांच्या सोशल मीडियाच्या अकाऊंटवरून एक वादग्रस्त पोस्ट शेअर केली. त्यांची ही पोस्ट दोन गटांत तेढ निर्माण करणारी होती. तसेच या पोस्टमुळे शांतता भंग होण्याची शक्यता होती. या पोस्ट मुळे समाजात चुकीचा संदेश जात असल्याचे निदर्शनास आल्यावर पुणे पोलीस सक्रिय झाली आणि प्रकरणाची गंभीर दखल घेतली.
ALSO READ: पुणे मुंढवा जमीन प्रकरणात निलंबित तहसीलदार सूर्यकांत येवले आणि सहदुय्यम निबंधक रवींद्र तारू यांची विभागीय चौकशी सुरू
पोलिसांनी चिथावणीखोर विधान केल्याबद्दल चौकशीअंती भारतीय न्याय संहितेच्या कलमांतर्गत वंसत मोरे यांचावर गुन्हा दाखल केला आहे. सायबर शाखेच्या मदतीने या पोस्टच्या तांत्रिक बाबींचीही तपासणी केली जात आहे.
ALSO READ: पुण्यात डिजिटल अरेस्टच्या प्रकार, नागरिकाला 10 कोटींना लुटले दोघांना अटक
या कायदेशीर कारवाईमुळे त्यांच्या अडचणीत वाढ होण्याची शक्यता आहे. “अभिव्यक्ती स्वातंत्र्याचा वापर करताना सामाजिक जबाबदारीचे भान राखणे गरजेचे आहे,” असे मत पोलीस प्रशासनाकडून व्यक्त करण्यात आले आहे. या प्रकरणाचा पुढील तपास पोलीस करत आहे.
Edited By – Priya Dixit