आरे, SGNP तील आदिवासींना मूलभूत सुविधा मिळणार

आरे, SGNP तील आदिवासींना मूलभूत सुविधा मिळणार

मुंबईच्या (mumbai) आरे आणि संजय गांधी राष्ट्रीय उद्यानाच्या वन परिसरात काही प्रमाणात आदिवासी नागरिकांची वस्ती आहे. आर्थिक राजधानीत असूनही त्यांच्या वस्त्यात अथवा पाड्यात अजूनही मूलभूत सुुविधांचा अभाव आहे.आदिवासी विकास मंत्री डॉ. अशोक वुईके यांनी सांगितले की, आरे (Aarey) परिसरात आणि संजय गांधी राष्ट्रीय उद्यानात (SGNP) असलेल्या आदिवासी वस्त्यांमध्ये मूलभूत सुविधा (Basic amenities) पुरवण्यासाठी आदिवासी विकास विभाग आवश्यक ती मदत करणार आहे. यासाठी आदिवासी विकास मंत्री डॉ. अशोक वुईके यांनी आरे परिसरात राहणाऱ्या कुटुंबांना बजावलेल्या निष्कासनाच्या नोटिसांचाही आढावा घेतला.मंत्रालयात झालेल्या आढावा बैठकीत जोगेश्वरी (पूर्व) चे आमदार अनंत (बाळा) नर, आदिवासी विकास विभागाचे सचिव विजय वाघमारे, संजय गांधी राष्ट्रीय उद्यानाच्या संचालक अनिता पाटील आणि इतर वरिष्ठ अधिकारी उपस्थित होते.आदिवासी विकास मंत्री डॉ. अशोक वुईके यांनी सांगितले की, आदिवासी छावण्यांमध्ये राहणाऱ्या कोणत्याही कुटुंबांच्या हक्कांना धक्का न लावता ही प्रक्रिया कायद्यानुसार पूर्ण करावी. संजय गांधी राष्ट्रीय उद्यानात एकूण 43 आदिवासी वस्त्या अथवा पाडे आहेत. उच्च न्यायालयाने या वस्त्यांमध्ये नवीन नागरी सुविधा देण्यास मनाई केली आहे. तथापि, सरकारने अतिक्रमित भागात विद्यमान नागरी सुविधांच्या दुरुस्तीला परवानगी दिली आहे. छावण्यांमध्ये राहणाऱ्या आदिवासी कुटुंबांना नागरी सुविधा मिळाव्यात यासाठी उच्च न्यायालयात प्रस्ताव सादर करण्याचे निर्देश आदिवासी विकास मंत्री डॉ. अशोक वुईके यांनी संबंधित विभागांना दिले.आदिवासी विकास मंत्री डॉ. अशोक वुईके यांनी असेही सांगितले की, आरे आणि संजय गांधी राष्ट्रीय उद्यानांमधील आदिवासी छावण्यांशी संबंधित समस्यांचा सखोल आढावा पुढील आठवड्यात घेतला जाईल.हेही वाचापंतप्रधान ‘मुंबई वन’ अॅप लाँच करणारकुर्ला स्टेशन ते बीकेसीला स्कायवॉकने जोडणार

Go to Source