टॉमी पॉल विजेता

टॉमी पॉल विजेता

वृत्तसंस्था/ डल्लास
येथे झालेल्या डल्लास ओपन एटीपी स्पर्धेत अमेरिकेच्या टॉमी पॉलने आपल्याच देशाच्या मार्कोस गिरॉनचा पराभव करून अजिंक्यपद मिळविले. टूरवरील त्याचे हे दुसरे जेतेपद आहे.
अंतिम फेरीत टॉमी पॉलने गिरॉनवर 7-6 (7-3), 5-7, 6-3 अशी मात केली. जागतिक क्रमवारीत 15 व्या स्थानावर असणाऱ्या पॉलने यापूर्वी 2021 मध्ये स्टॉकहोम स्पर्धेचे जेतेपद पटकावले होते. मात्र गेल्या वर्षी अॅकापुल्को व ईस्टबोर्न येथील स्पर्धांत अंतिम फेरीत त्याला पराभूत व्हावे लागले होते. गिरॉनने या स्पर्धेत अग्रमानांकित फ्रान्सेस टायफो व चौथ्या मानांकित अॅड्रियन मॅनारिनोला पराभवाचे धक्के दिले होते. गिरॉनची ही एटीपीमधील दुसरी अंतिम लढत होती. यापूर्वी 2022 मध्ये सॅन दिएगो स्पर्धेतही त्याला उपविजेतेपद मिळाले होते.