टायगर 3 फेम अभिनेत्याचे दुर्दैवी निधन
Varinder Singh Ghuman
“टायगर ३” फेम वरिंदर सिंग घुमान यांचे हृदयविकाराच्या झटक्याने निधन झाले. सलमान खानच्या “टायगर ३” चित्रपटात दिसलेले वरिंदर सिंग घुमान यांचे रुग्णालयात उपचारादरम्यान हृदयविकाराच्या झटक्याने निधन झाले. त्यांच्या मृत्यूच्या बातमीने सर्वांना धक्का बसला आहे.
ते ५३ वर्षांचे होते. वरिंदर यांच्या निधनाच्या बातमीने पंजाबी आणि हिंदी चित्रपटसृष्टीवर शोककळा पसरली आहे. वरिंदर हे अमृतसरच्या फोर्टिस रुग्णालयात बायसेप्सच्या किरकोळ शस्त्रक्रियेसाठी गेले होते आणि त्याच दिवशी परत येणार होते. तथापि, शस्त्रक्रियेदरम्यान त्यांचे निधन झाले.
पंजाबचे माजी उपमुख्यमंत्री आणि खासदार सुखजिंदर सिंग रंधावा यांनी त्यांच्या इंस्टाग्राम अकाउंटवर त्यांच्या मृत्यूची बातमी शेअर केली.
वरिंदर यांनी २०२३ मध्ये प्रदर्शित झालेल्या सलमान खान अभिनीत “टायगर ३” चित्रपटात वरिंदरने काम केले होते. तसेच वरिंदर हा भारताचा पहिला शाकाहारी व्यावसायिक बॉडीबिल्डर आणि अभिनेता होता. घुमानने २००९ मध्ये मिस्टर इंडियाचा किताब जिंकला आणि मिस्टर एशियामध्ये दुसऱ्या क्रमांकावर राहिला. २०१२ मध्ये आलेल्या “कबड्डी वन्स मोअर” या चित्रपटातून त्यांनी पंजाबी चित्रपटसृष्टीत पदार्पण केले. त्यानंतर ते “रोअर: टायगर्स ऑफ द सुंदरबन्स” (२०१४) आणि “मरजावां” (२०१९) यासह अनेक बॉलिवूड चित्रपटांमध्ये दिसले.
ALSO READ: रितेश देशमुख, विवेक ओबेरॉय आणि आफताब शिवदासानी यांच्या ‘मस्ती ४’ या चित्रपटाचे नवीन पोस्टर रिलीज
Edited By- Dhanashri Naik
ALSO READ: साउथ अभिनेत्याच्या घराला बॉम्बने उडवण्याची धमकी
