मजगावच्या शेतकऱ्यांकडून स्वखर्चाने शेतवडीतील रस्ता बनविण्यास प्रारंभ

मजगावच्या शेतकऱ्यांकडून स्वखर्चाने शेतवडीतील रस्ता बनविण्यास प्रारंभ

मजगाव : मजगावातील शेतवडीतील रस्ते पूर्ण निकामी, चिखलमय झाले आहेत. पायी चालणेही अवघड झाले होते. शेतमजुरांना पावसाळ्यात शेताकडे ये-जा करण्यासाठी खबरदारी म्हणून मजगावच्या सर्व शेतकऱ्यांनी स्वखर्चाने जेसीबी व ट्रॅक्टर्स लावून येथील श्री ब्रह्मदेव मंदिरासमोरील तलावातील लाल माती रस्त्यावर टाकून ये-जा करण्यासाठी सोयीस्कर करत आहेत. प्रशासनाकडे वारंवार मागणी करूनही कोणीही न फिरकल्याने सर्व तरुण शेतकऱ्यांनी पुढाकार घेवून रस्त्यावर लाल माती टाकल्याने ये-जा करण्यास सोयीस्कर झाले आहे. संबंधित अधिकाऱ्यांनी पाहणी करून सदर रस्ता प्रशासनामार्फत खडीकरण करून द्यावा आणि शेतकऱ्यांचा दुवा घ्यावा, अशी मागणी शेतकऱ्यांनी केली आहे.