जळगाव जिल्ह्यातील अमळनेर येथे तरुणाचा संशयास्पद अवस्थेत मृतदेह आढळला
Jalgaon News: अमळनेर तालुक्यातील मंगरूळ एमआयडीसी परिसरात शुक्रवारी एका तरुणाचा संशयास्पद अवस्थेत मृतदेह स्थानिकांनी पाहिल्याने खळबळ उडाली आहे. या घटनेची माहिती मिळताच अमळनेर पोलीस स्टेशनचे पोलीस निरीक्षक विकास देवरे व त्यांच्या पथकाने घटनास्थळी पोहचून तपास सुरू केला. पोलिसांनी घटनास्थळावरून मृतदेह ताब्यात घेऊन पोस्टमॉर्टमसाठी रुग्णालयात पाठवला असून या प्रकरणाचा तपास सुरू केला आहे.
मिळालेल्या माहितीनुसार या घटनेबाबत अमळनेर पोलीस स्टेशनमध्ये गुन्हा दाखल करण्यात आला आहे. या तरुणाची हत्या झाल्याचा संशय पोलिसांनी व्यक्त केला आहे. तुषार चिंधू चौधरी असे मृत तरुणाचे नाव असून तो अमळनेर शहरातील रहिवासी असल्याचे सांगण्यात येत आहे. पोलिसांनी दिलेल्या माहितीनुसार मृत तुषार चौधरी हे अमळनेर शहरातील प्रताप मील परिसरात राहणारा आहे. गेल्या गुरुवारी 5 डिसेंबर रोजी रात्री 10 वाजल्यापासून ते घराबाहेर होते आणि तेव्हापासून ते घरी परतलेच नाहीत.शुक्रवारी 6 डिसेंबर रोजी सकाळी 8 वाजता अमळनेर तालुक्यातील मंगरूळ येथील एमआयडीसी परिसरात तुषारचा मृतदेह आढळून आला. मृताच्या डोक्यावर गंभीर जखमेच्या खुणा आढळून आल्या आहे. जखमांच्या खुणांवरून त्यांचा खून झाल्याचा संशय व्यक्त केला जात आहे.
तसेच पोस्टमोर्टमच्या अहवाल आल्यानंतरच हत्येमागील खरे कारण समोर येईल, असे पोलिसांनी सांगितले आहे. या घटनेची माहिती तरुणाच्या कुटुंबीयांना देण्यात आली असून पोस्टमोर्टमनंतर मृतदेह त्यांच्या ताब्यात देण्यात येणार आहे. तसेच हत्येचे कारण शोधण्याचा प्रयत्न पोलीस करत आहे.
Edited By- Dhanashri Naik