अकोल्यात गणेश विसर्जनावर दगडफेक, 68 जण ताब्यात
महाराष्ट्रातील अकोला जिल्ह्यातील अकोट शहरात गणपती विसर्जन मिरवणुकीत काही काळ तणावाचे वातावरण निर्माण झाले होते. तसेच नंदीपेठ परिसरातील एका धार्मिक स्थळाजवळून जाणाऱ्या गणपती मिरवणुकीवर दुसऱ्या समाजाने 5 मिनिटे दगडफेक केल्याची घटना उघडकीस आली. या घटनेचा व्हिडिओही सोशल मीडियावर व्हायरल होत आहे.
मिळालेल्या माहितीनुसार या घटनेनंतर काही काळ मिरवणूक थांबवण्यात आली व दोन्ही समाज समोरासमोर आल्याचेही बातमी समोर आली आहे. तसेच पोलिसांनी तत्काळ घटनास्थळी धाव घेत परिस्थिती नियंत्रणात आणली. अकोला एसीपी अनमोल मित्तल यांनी सांगितले की, काही काळ दगडफेक झाली, पण पोलिसांनी तत्परतेने कारवाई करून तणाव शांत केला आणि मिरवणूक पुन्हा सुरू केली.
68 जणांना ताब्यात घेतले-
सध्या मिरवणूक शांततेत पार पडली असली तरी परिस्थिती पाहता परिसरात पोलीस बंदोबस्त तैनात करण्यात आला आहे. या प्रकरणी आतापर्यंत 68 जणांना ताब्यात घेण्यात आले असून, प्रशासन परिस्थितीवर लक्ष ठेवून आहे.