सावंतवाडीच्या सुपुत्राची रणजी सामन्यासाठी महाराष्ट्र संघात निवड

सावंतवाडीच्या सुपुत्राची रणजी सामन्यासाठी महाराष्ट्र संघात निवड

सावंतवाडी । प्रतिनिधी
सावंतवाडीचा सुपुत्र निखिल नाईक याची रणजी सामन्यासाठी महाराष्ट्र संघाकडून निवड झाली आहे. आज पासून सुरू झालेल्या मणिपूर विरुद्धच्या सामन्यात त्याचे रणजी मध्ये पदार्पण झाले आहे. निखिल नाईक हा यापूर्वी आयपीएल मध्ये खेळला होता. कोलकात्ता नाईट रायडर्स मधून त्याने आयपीएल मध्ये पदार्पण केले होते. आता त्याने रणजी सामन्यात चमक दाखवल्यास त्याच्यासाठी भारतीय संघाचे दरवाजे खुले होऊ शकतात. सावंतवाडीतील सुनील नाईक प्रतिष्ठान संचलित समर्थ क्रिकेट अकॅडमीचा हा खेळाडू असून या अकॅडमीने त्याचे अभिनंदन केले आहे.