बटाटा वडा हा सर्वांचा आवडता पदार्थ आहे. उपवासासाठी चालणार म्हणजेच उपवासाचा बटाटा वडा नक्कीच ट्राय करा. सर्वजण कौतुक करतील.
साहित्य-
४-५ मध्यम आकाराचे बटाटे (उकडलेले आणि मॅश केलेले)
१ कप शाबुदाणा (रात्रभर भिजवलेला)
१/२ कप शिंगाडा पीठ किंवा राजगिरा पीठ
२-३ हिरव्या मिरच्या (बारीक चिरलेल्या)
१ इंच आलं (किसलेलं), १/२ कप कोथिंबीर (बारीक चिरलेली)
१ चमचा जिरं, चवीनुसार सेंधव मीठ, तळण्यासाठी तेल किंवा तूप.
ALSO READ: उपवासात चालणारे ७ पौष्टिक पदार्थ, दिवसभर राहाल ऊर्जावान
कृती-
सर्वात आधी एका बाऊलमध्ये मॅश केलेला बटाटा, भिजवलेला साबुदाणा, हिरवी मिरची, आलं, कोथिंबीर, जिरं आणि मीठ घालून चांगलं मिक्स करा. या मिश्रणाचे लहान गोळे करून घ्या. आता दुसऱ्या बाऊलमध्ये शिंगाडा पीठ आणि पाणी घालून मध्यम दाटसर पीठ तयार करा. त्यात थोडं मीठ घाला. बटाट्याचे गोळे शिंगाडा पिठात बुडवून गरम तेलात किंवा तुपात मध्यम आचेवर सोनेरी होईपर्यंत तळून घ्या. हे वडे उपवासाच्या चटणीसोबत किंवा दह्यासोबत सर्व्ह करा.
अस्वीकरण (Disclaimer) : या लेखात दिलेली माहिती आणि उपाय सामान्य माहितीवर आधारित आहे.या माहितीचीपूर्णता, विश्वासार्हता आणि अचूकता याबाबत वेबदुनिया कोणतीही हमी देत नाही. अधिक माहितीसाठी संबंधित तज्ज्ञांचा सल्ला घ्यावा.
ALSO READ: श्रावणात पचनास हलक्या, पौष्टिक आणि झटपट होणाऱ्या ३ खास ‘हेल्दी’ उपवासाच्या रेसिपी
Edited By- Dhanashri Naik