शिवसेना (UBT) गटाकडून दसरा मेळ्यासाठी अर्ज दाखल

शिवसेना (UBT) गटाकडून दसरा मेळ्यासाठी अर्ज दाखल

दसरा (dussehra) अवघ्या काही दिवसांवर येऊन ठेपला असून शिवसेनेच्या दोन गटांपैकी कोणाला यंदा दादरच्या शिवाजी पार्कवर (shivaji park) सभा होऊ देणार याबाबत उत्सुकता निर्माण झाली आहे. मात्र, यावेळी केवळ शिवसेनेच्या ठाकरे गटाने (shiv sena ubt) अर्ज सादर केला आहे. ठाकरे गटाने तीन महिन्यांपूर्वी दिलेल्या या अर्जावर अद्याप कोणताही निर्णय झालेला नाही.शिवसेनेचा (shiv sena) दसरा मेळावा दरवर्षी दादरच्या छत्रपती शिवाजी महाराज उद्यानात किंवा शिवाजी पार्कवर होतो. दसरा मेळावा शिवसेनेसाठी प्रतिष्ठेचा मानला जातो. यंदा 12 ऑक्टोबरला दसरा येत आहे. शिवसेनेत दोन गट पडले असल्याने दसरा मेळाव्यावरून शिवसेनेच्या दोन गटात प्रतिष्ठेची लढाई झाली होती. मात्र दोन्ही वेळा उद्धव ठाकरेंच्या (uddhav thackeray) गटालाच परवानगी (permission) मिळाली. यंदाही ठाकरे यांच्या शिवसेनेचे प्रमुख महेश सावंत यांनी परवानगीसाठी अर्ज केला आहे. सावंत यांनी तीन महिन्यांपूर्वी अर्ज सादर केला असून अद्याप त्यावर पालिकेने कोणताही निर्णय घेतला नसल्याची माहिती दिली. याप्रकरणी पालिकेला तीन स्मरणपत्रे पाठवली असल्याचे त्यांनी सांगितले.शिवसेना पडल्यानंतर 2022 च्या दसरा मेळाव्यापूर्वी मैदानाच्या परवानगीवरून दोन्ही गटांमध्ये आरोप-प्रत्यारोप झाले होते. दोन गटातील वाद कोर्टापर्यंत पोहोचला होता. ठाकरे गटाने न्यायालयात धाव घेतली होती. न्यायालयीन लढाईनंतर ठाकरे गटाला परवानगी मिळाली. त्या सभेला राज्यातील शिवसैनिकांनी अभूतपूर्व प्रतिसाद दिल्याने ठाकरेंनाही सहानुभूती मिळाली.गतवर्षी शिवसेनेच्या दोन्ही गटांनी 2023 च्या दसरा मेळाव्यासाठी अर्ज केले होते. त्यानंतरही ठाकरे गटाने महापालिका प्रशासनाला स्मरणपत्र देऊन विभाग कार्यालयावर मोर्चाही काढला होता. हा वाद शिगेला पोहोचताच मुख्यमंत्री एकनाथ शिंदे (eknath shinde) यांचा शिवसेनेचे आमदार सदा सरवणकर यांनी शिवाजी पार्क मैदानासाठी केलेला अर्ज मागे घेतल्याची घोषणा केली. त्यावेळी आझाद मैदानावर एकनाथ शिंदे यांची शिवसेनेची सभा होती. एकनाथ शिंदे यांचा शिवसेनेने अद्याप अर्ज सादर केला नसल्याचे समजते.हेही वाचाखारफुटी क्षेत्रांवर 669 कॅमेऱ्यांची नजरठाणे-मुलुंड जलबोगद्याच्या 21 किलोमीटरच्या कामाला सुरुवात

Go to Source