सागरी जलतरण स्पर्धेत शरण्याचे यश

सागरी जलतरण स्पर्धेत शरण्याचे यश

बेळगाव : गुजरात येथे श्रीराम सागरी जलतरण संघटना राष्ट्रीय सागरी जलतरण स्पर्धेत बेळगावच्या स्विमर्स व अॅक्वेरियसच्या जलतरणपटू शरण्या कुंभारने 1 सुवर्ण, 1 रौप्य पदकासह घवघवीत यश संपादन केले. गुजरात येथील पोरबंदर चौपाटीवर घेण्यात आलेल्या सागरी जलतरण स्पर्धेत बेळगावच्या स्विमर्स व अॅक्वेरियस क्लबच्या जलतरणपटू शरण्या कुंभारने 1 कि.मी. खुल्या जलतरण स्पर्धेत सुवर्णपदक तर 5 कि.मी. सागरी जलतरण स्पर्धेत रौप्य पदक पटकावले. मान्यवरांच्या हस्ते तिला पदके व प्रमाणपत्र देऊन गौरवण्यात आले. शरण्याला जलतरण प्रशिक्षक उमेश कलघटगी, अक्षय शेरेगार, अजिंक्य मेंडके, नितीश कुडूचकर, गोवर्धन काकतीकर, इम्रान उचगावकर यांचे मार्गदर्शन लाभत आहे.