शिवचरित्र वितरणाचा संकल्प

शिवचरित्र वितरणाचा संकल्प

शिवजयंती दिनी उपक्रमाला चालना
बेळगाव : छत्रपती शिवाजी महाराजांच्या जयंतीचे औचित्य साधून कंग्राळ गल्ली येथील आकाश हलगेकर या युवकाने शंभर शिवचरित्र वितरित करण्याचा संकल्प केला आहे. या संकल्पाला सोमवारपासून सुरुवात करण्यात आली. बेळगाव परिसरातील शाळा व ग्रंथालयांना शिवचरित्र भेट दिले जाणार आहे. आजच्या पिढीला छत्रपती शिवाजी महाराज यांचे विचार समजावेत, यासाठी आकाश याने उपक्रम राबविला आहे. सोमवारी शिवाजी उद्यान येथे झालेल्या कार्यक्रमामध्ये त्याने महिला व बालकल्याण खात्याच्या मंत्री लक्ष्मी हेब्बाळकर, जिल्हाधिकारी डॉ. नितेश पाटील, जि. पं. सीईओ राहुल शिंदे, महापौर सविता कांबळे, विधान परिषद सदस्य चन्नराज हट्टीहोळी, उपमहापौर आनंद चव्हाण यांना शिवचरित्र भेट स्वरुपात दिले.