रेल्वे सुटण्यापूर्वी 24 तास आधीच आरक्षण चार्ट

रेल्वे सुटण्यापूर्वी 24 तास आधीच आरक्षण चार्ट

भारतीय रेल्वेकडून (indian railway) प्रवाशांसाठी एक मोठी योजना आणली जाणार आहे. रेल्वे आता आरक्षण तक्ता अर्थात रिझर्व्हेशन चार्ट गाडी सुटायच्या 24 तास आधी तयार करण्याचा विचार करत आहे. रेल्वे लवकरच हा नियम लागू करू शकते.सध्या हा आरक्षण तक्ता गाडी सुटायच्या 4 तास आधी बनवला जातो. त्यामुळे बऱ्याच प्रवाशांना वेळेवर तिकीट मिळत नाही. मात्र नवा नियम लागू झाल्यास रिझर्व्हेशन चार्ट 4 तासांऐवजी 24 तास आधी बनवला जाईल. 24 तास आधी तक्ता बनल्यास प्रवाशांना त्यांच्या प्रवासाचं नियोजन करणं सोपं जाईल. चार्टमध्ये नाव नसल्यास प्रवाशांना तिकीट काढायला पुरेसा वेळ मिळेल. रेल्वेच्या या निर्णयामुळे प्रवाशांना (passangers) नक्कीच फायदा होईल, अशी अपेक्षा आहे.सध्या पश्चिम रेल्वे (western railway) विभागाच्या बिकानेर विभागांतर्गत ही नवीन प्रणाली पायलट प्रोजेक्ट अंतर्गत राबवण्यात येत आहे. 6 जून रोजी या चाचणीला सुरुवात झाली आहे. जवळपास एक आठवडा त्याचा आढावा घेतला जाईल. त्यानंतर ही योजना देशभरातील इतर रेल्वे स्थानकांमध्ये विस्तारित केली जाऊ शकते.सध्या रेल्वेकडून रिझर्व्हेशन चार्ट (reservation chart) ट्रेन सुटण्याच्या चार तास आधी लावला जातो. या चार्टमध्ये ज्या प्रवाशांची नावं नसतात त्यांना शेवटच्या वेळी मोठा मनस्ताप सहन करावा लागतो. त्यामुळे जर 24 तास आधीच रिझर्व्हेशन चार्ट तयार केला, तर चार्टमध्ये नाव न आलेल्या प्रवााशांना दुसऱ्या पर्यायाचा विचारा करता येईल. शेवटच्या क्षणी येणारा ताण टाळण्यास या नव्या 24 तास आधी रिझर्व्हेशन चार्टची मदत होईल. यामुळे प्रवाशांना एक दिवस आधीच त्यांच्या प्रवासाचा पुनर्विचार किंवा पुनर्नियोजन करण्यास वेळ मिळेल.रेल्वेने दिलेल्या माहितीनुसार, ट्रेन निघायच्या 24 तास आधी रिझर्व्हेशन चार्ट तयार केल्याने प्रवाशांना त्यांचं तिकीट कन्फर्म आहे की वेटिंग लिस्टमध्ये आहे हे लवकर समजेल. वेटिंग लिस्टमध्ये नाव असलेल्या प्रवाशांना दुसरी काहीतरी व्यवस्था करायला वेळ मिळेल. प्रवाशांना त्यांची सीट कन्फर्म झाली आहे की नाही, हे लवकर समजेल. सीट कन्फर्म नसेल, तर ते दुसरा पर्याय शोधू शकतील.सध्याच्या नियमानुसार, प्रवासी चार्ट ट्रेन सुटण्याच्या चार तास आधी किंवा पहाटेच्या गाड्यांसाठी आदल्या रात्री तयार केला जातो. तर फायनल चार्ट ट्रेन सुटण्याच्या 30 मिनिटं आधी जाहीर केला जातो. फायनल चार्टमध्ये न गेलेल्या सीट जनरल किंवा तात्काळ कोट्यात पुन्हा वाटप केल्या जातात.हेही वाचामहाराष्ट्रात दारूच्या किमती वाढल्यादिवा ते सीएसएमटी जलद लोकलची श्रीकांत शिंदे यांची मागणी

Go to Source