हॉकी मैदानासाठी पालक मंत्र्यांना निवेदन

हॉकी मैदानासाठी पालक मंत्र्यांना निवेदन

बेळगाव : बेळगाव जिल्हाने भारताला चार  ऑलिम्पिक हॉकी खेळाडू दिले परंतु कर्नाटक शासनाने बेळगावसाठी आंतरराष्ट्रीय दर्जाचे हॉकी मैदान अद्याप दिलेले नाही, यासाठी जिल्हा प्रशासनाने तातडीने हॉकी बेळगाव संस्थेची अॅस्ट्रोटर्फ मैदानाची मागणी पूर्णत्वास न्यावी, असे निवेदन संस्थेतर्फे आज पालकमंत्री सतीश जारकीहोळी यांना दिले. बेळगांव हे हॉकी प्रेमींचे माहेरघर आहे. आज जिह्यात 500 हून अधिक खेळाडू हॉकीचा नित्यनेमाने सराव करीत आहेत, परंतु अॅस्ट्रोटर्फ मैदानाची कमतरता असल्याने राष्ट्रीयस्तरावर पोहोचू शकत नाहीत ही वस्तुस्थिती आहे, अशी माहिती सचिव सुधाकर चाळके यांनी सांगितली. यावेळी उपाध्यक्ष विनोद पाटील, प्रकाश कालकुंद्रीकर, मनोहर पाटील, नामदेव सावंत, केपीसीसी सदस्या आयेशा सनदी आदी उपस्थित होते.