तरुणांना प्रोत्साहन देण्यासाठीच क्रीडा स्पर्धांचे आयोजन

तरुणांना प्रोत्साहन देण्यासाठीच क्रीडा स्पर्धांचे आयोजन

युवा नेते राहुल जारकीहोळी यांचे प्रतिपादन
बेळगाव : क्रीडा क्षेत्रातील तरुणांना प्रोत्साहन देण्याच्या उद्देशाने प्रत्येक वर्षी सतीश जारकीहोळी फौंडेशन आणि रोटरी क्लब यांच्या संयुक्त विद्यमाने सतीश शुगर्स क्लासिक राष्ट्रस्तरीय शरीरसौष्ठव स्पर्धांचे आयोजन करण्यात येते, असे युवा नेते राहुल जारकीहोळी यांनी सांगितले. येथील सीपीएड मैदानावर 11 व्या सतीश शुगर्स क्लासिक राष्ट्रस्तरीय शरीरसौष्ठव स्पर्धेच्या कार्यक्रमामध्ये सत्कार प्रसंगी ते बोलत होते. क्रीडापटूंना सरकारकडून अपेक्षेनुसार सुविधा मिळत नाहीत. त्यामुळे क्रीडा क्षेत्रामध्ये आपला देश फार मागे आहे. क्रीडा क्षेत्रातील तरुणांना वाव देण्याच्या उद्देशाने या स्पर्धा भरविल्या जात आहेत. ही समस्या दूर करण्यासाठीच सतीश जारकीहोळी फौंडेशनकडून जिल्हा, राज्य आणि राष्ट्रस्तरावर स्पर्धांचे आयोजन करण्यात येत आहे. यामुळे अनेक क्रीडापटूंना प्रोत्साहन मिळत असल्याचे त्यांनी सांगितले.
भविष्यामध्ये क्रीडा क्षेत्रातील तरुणांना वाव मिळावा या दृष्टीने प्रयत्न केले जातील. जिल्ह्यातील शरीरसौष्ठवपटू राष्ट्रीय व आंतरराष्ट्रीय पातळीवर चमकावेत यासाठी आपण संकल्प केला आहे. त्या दृष्टीने आवश्यक ते सहकार्य करण्यात येईल, असे त्यांनी सांगितले. अनेक तरुण व्यसनांच्या आहारी जात आहेत. शरीर हीच संपत्ती आहे, याची जाणीव ठेवून तरुणांनी वाटचाल करावी, असे आवाहन त्यांनी केले. यावेळी आमदार राजू सेठ, शिरीश गोगटे, अविनाश पोतदार, अजित सिद्दण्णावर, केपीसीसी सदस्य मलगौडा पाटील, डॉ. रवी पाटील, चेतक पत्तारे, तुळसी सुझैन, प्रेमचंद डिग्रा, डी. व्ही. पोली, रिया चौगुला, मनोज मैचेल, जयदीप सिद्दण्णावर, संतोष पाटील, डॉ. हिरालाल सेठ, रवी उळ्ळाग•ाr आदी उपस्थित होते.