लक्ष द्या! ठाण्यातील ‘या’ भागात 2 दिवस पाणीपुरवठा खंडित

STEM प्राधिकरणाकडून ठाणे महापालिकेला होणारा पाणीपुरवठा शुक्रवार, २६ एप्रिल, सकाळी 9.00 ते शनिवार, २७ एप्रिल, रात्री 9.00 वाजेपर्यंत बंद राहणार आहे. पाणीपुरवठा 24 तास बंद राहणार आहे. या कालावधीत ठाणे महापालिकेच्या अंतर्गत पाणीपुरवठा सुरू राहणार आहे. या बंद दरम्यान घोडबंदर रोड, साकेत नवीन पाईपलाईन परिसराचा पाणीपुरवठा शुक्रवार, 26 एप्रिल रोजी सकाळी 9 ते रात्री 9 वाजेपर्यंत बंद राहणार आहे. त्यामुळे शुक्रवार रात्री 9.00 ते शनिवार, 27 एप्रिल, रात्री 9.00 वाजेपर्यंत रितू पार्क, जेल, गांधीनगर, समता नगर, सिद्धेश्वर, इंटर्निटी, जॉन्सन, मुंब्रा आणि कळव्यातील काही भागांचा पाणीपुरवठा बंद राहणार आहे. या शटडाऊनमुळे पुढील एक ते दोन दिवस कमी दाबाने पाणीपुरवठा होणार आहे. या काळात नागरिकांनी पुरेसा पाण्याचा साठा ठेवावा आणि पाण्याचा काटकसरीने वापर करावा, असे आवाहन महापालिकेने केले आहे.हेही वाचा बीएमसीचे 10 जलतरण तलाव प्रशिक्षणासाठी खुले होणारअदानीच्या वीज ग्राहकांना दरवाढीचा शॉक