जयपूरमध्ये राष्ट्रीय कुस्ती स्पर्धा

जयपूरमध्ये राष्ट्रीय कुस्ती स्पर्धा

वृत्तसंस्था/ नवी दिल्ली
जयपुर येथे 2 ते 5 फेब्रुवारी दरम्यान वरिष्ठांची राष्ट्रीय कुस्ती चॅम्पियनशिप स्पर्धा भरविली जाणार असल्याची माहिती अखिल भारतीय कुस्ती फेडरेशनच्या नियंत्रण समितीने दिली आहे.
या स्पर्धेमध्ये देशातील विविध राज्याचे अव्वल मल्ल सहभागी होणार आहेत. पुरूष आणि महिला अशा दोन गटामध्ये ही स्पर्धा फ्रिस्टाईल आणि ग्रीको रोमन पध्दतीने खेळविले जाणार आहे. सदर स्पर्धा जयपुरमधील रेल्वे स्टेडियमच्या क्रीडा संकुलात होणार आहे. भारतीय ऑलिम्पिक समितीने अलिकडेच 3 सदस्यांची हंगामी कार्यकारणी समिती नियुक्त केली आहे. या समितीचे प्रमुख बावा तसेच मंजुषा कंवर आणि एम. एम. सोमय्या यांचा समावेश आहे.