मुंबईकरांसाठी मार्च महिना उकाड्याचा

मुंबईकरांसाठी मार्च महिना उकाड्याचा

या उन्हाळ्यात म्हणजेच मार्च ते मे दरम्यान मुंबईतील (mumbai) कमाल आणि किमान तापमान सरासरीपेक्षा जास्त राहण्याची अपेक्षा आहे. उष्णतेच्या लाटेची संख्या आणि तीव्रता जास्त असणार आहे.फेब्रुवारी महिन्याच्या अखेरीस कमाल तापमानाने सरासरी ओलांडली. आता मार्च महिन्यातही नागरिकांना उष्णतेचा (heatwave) सामना करावा लागत आहे. हवामान खात्याच्या कुलाबा केंद्रात रविवारी कमाल तापमान 32.8 अंश सेल्सिअस नोंदवले गेले आहे. तसेच सांताक्रूझ (santacruz) केंद्रात कमाल तापमान 35.1 अंश सेल्सिअस नोंदवले गेले. कमाल तापमानात (temperature) थोडीशी घट झाली असली तरी, त्यात अधूनमधून वाढ होईल, असे हवामान खात्याने म्हटले आहे.कधीकधी ढगाळ हवामानाचाही अंदाज आहे. या काळात तापमान 33 ते 35 अंश सेल्सिअस दरम्यान राहील. मार्च अखेर तापमानात वाढ होण्याची अपेक्षा आहे. मुंबईचे कमाल कमाल तापमान साधारणपणे फेब्रुवारीमध्ये 36 ते 38 अंशांपर्यंत पोहोचते. फेब्रुवारीच्या मध्यानंतर तापमान वाढू लागते. फेब्रुवारीचा दुसरा पंधरवडा आणि मार्चचे पहिले काही दिवस तापमानात चढ-उतार होत राहतात.देशभरात फेब्रुवारी महिना सर्वाधिक तापमान असलेला महिना ठरला. 1901 पासून यंदाचा 2025 चा फेब्रुवारी महिना सर्वात उष्ण महिना ठरला आहे. मागील 125 वर्षांत यंदाच्या फेब्रुवारी महिन्यात विक्रमी उष्णतेची नोंद झाली आहे. जानेवारी महिना देखील सर्वाधिक उष्ण महिना होता. जानेवारी 2024 मध्ये सर्वाधिक तापमान होते. जानेवारी 2025 मध्ये देशाचे सरासरी तापमान 18.98 अंश सेल्सिअस होते. जे 1901 नंतरचे या महिन्यातील तिसरे सर्वोच्च तापमान होते.हेही वाचामुंबई मेट्रो 3: दक्षिण मुंबईला जोडणाऱ्या मार्गासाठीची चाचणी पूर्णपु. ल. देशपांडे महाराष्ट्र कला अकादमी संकुलाचे लोकार्पण

Go to Source