मनिकाने 15 स्थानांनी झेप घेत टॉप 25 मध्ये पोहोचली,पहिली भारतीय महिला टेबल टेनिस खेळाडू ठरली
अव्वल महिला टेबल टेनिसपटू मनिका बत्राने सौदी स्मॅशमध्ये उत्कृष्ट कामगिरी केल्यानंतर कारकिर्दीतील सर्वोत्कृष्ट एकेरी रँकिंग 24 वर पोहोचली आणि जागतिक क्रमवारीत अव्वल 25 मध्ये स्थान मिळवणारी ती पहिली भारतीय महिला टेबल टेनिस खेळाडू ठरली.
28 वर्षीय खेलरत्न पुरस्कार विजेती मनिका, जी स्पर्धेपूर्वी 39 व्या क्रमांकावर होती, तिने जेद्दाह येथे उपांत्यपूर्व फेरीत प्रवेश केला आणि तिच्या कामगिरीने 15 स्थानांनी झेप घेतली.
2018 च्या राष्ट्रकुल क्रीडा स्पर्धेत वैयक्तिक आणि सांघिक प्रकारात सुवर्णपदक विजेती मनिका हिने सौदी स्मॅशमध्ये अंतिम आठच्या प्रवासादरम्यान अनेक वेळा विश्वविजेता आणि ऑलिम्पिक सुवर्णपदक विजेती चीनच्या वांग मन्यु हिचा पराभव केला.
या कामगिरीसाठी मनिकाला 350 गुण मिळाले.ती म्हणाली करिअरमधील सर्वोत्कृष्ट रँकिंग आणि ऑलिम्पिक स्पर्धेपूर्वी अव्वल 25 मध्ये पोहोचल्याने माझ्या तयारीला चालना मिळेल. मला पॅरिस ऑलिम्पिकमध्ये ही कामगिरी सुरू ठेवायची आहे आणि क्रमवारीत पुढे जाणे मला आवडेल. सुधारणा ही निरंतर चालणारी प्रक्रिया आहे आणि त्यासाठी मी वचनबद्ध आहे.मनिकाने तिचे प्रशिक्षक अमन बालागु आणि बेलारूसचे प्रशिक्षण भागीदार किरिल बाराबानोव्ह यांना एका इंस्टाग्राम पोस्टमध्ये तिच्या यशाबद्दल आभार मानले
Edited by – Priya Dixit
