Mysterious Shiva Temple श्रद्धा, गूढता आणि आध्यात्मिक उर्जेचा अद्भुत संगम कडू मल्लेश्वरा मंदिर
India Tourism : बेंगळुरूमधील कडू मल्लेश्वरा मंदिर हे शहरातील सर्वात प्राचीन आणि ऐतिहासिक मंदिरांपैकी एक आहे. या मंदिरामुळेच ‘मल्लेश्वरम’ या उपनगराला त्याचे नाव मिळाले आहे. हे चमत्कारिक आणि आध्यात्मिक स्थळ कर्नाटकची राजधानी बेंगळुरू येथे आहे. कडू मल्लेश्वर मंदिरातील चमत्कार आणि रहस्ये त्याला आणखी खास बनवतात. या वर्षी महाशिवरात्रीला नक्कीच भेट द्या
ALSO READ: ध्यानलिंगम: शिवाचे इतके सुंदर आणि अलौकिक मंदिर तुम्ही कुठेही पाहिले नसेल
कडू मल्लेश्वर मंदिर
हे दक्षिण भारतातील एक रहस्यमय शिव मंदिर आहे. बेंगळुरूच्या मल्लेश्वरम परिसरात असलेले कडू मल्लेश्वर मंदिर अंदाजे ४०० वर्षे जुने असल्याचे मानले जाते. मंदिरात असलेले शिवलिंग हे १२ ज्योतिर्लिंगांपैकी एक असलेल्या मल्लिकार्जुन ज्योतिर्लिंगाचे प्रकटीकरण असल्याचे मानले जाते.
इतिहास आणि महत्त्व
हे मंदिर १७ व्या शतकात (१६६९ च्या सुमारास) बांधले गेले आहे. असे मानले जाते की, छत्रपती शिवाजी महाराजांचे सावत्र भाऊ व्यंकोजी भोसले (एकौजी) यांनी या मंदिराचे निर्माण केले होते. कन्नड भाषेत ‘कडू’ म्हणजे ‘जंगल’. पूर्वी हा भाग घनदाट जंगलाने वेढलेला होता, म्हणून याला ‘कडू मल्लेश्वरा’ (जंगलातील शिव) असे नाव पडले. हे मंदिर पारंपारिक ‘द्रविडी’ शैलीत बांधलेले आहे.
नंदी तीर्थ – एक अद्भूत आश्चर्य
या मंदिराच्या संकुलात समोरच एक छोटे पण अतिशय प्रसिद्ध मंदिर आहे, ज्याला ‘दक्षिणमुख नंदी तीर्थ’ म्हणतात. येथे नंदीच्या मुखातून सतत पाण्याचा प्रवाह वाहतो, जो खाली असलेल्या शिवलिंगावर पडतो. हे पाणी कुठून येते, याचे मूळ अजूनही एक रहस्य आहे. या पाण्याला अतिशय पवित्र मानले जाते. हे ठिकाण १९९७ मध्ये उत्खननादरम्यान पुन्हा शोधले गेले.
उत्सव आणि भेट देण्याची वेळ
महाशिवरात्री: महाशिवरात्रीला येथे मोठी यात्रा भरते आणि हजारो भक्त दर्शनासाठी येतात.
कार्तिक मास: हिंदू पंचांगातील कार्तिक महिन्यात या मंदिराचे सौंदर्य आणि चैतन्य पाहण्यासारखे असते.
मंदिराचा परिसर
हे मंदिर एका छोट्या टेकडीवर असून आजूबाजूला खूप झाडे आहे. बेंगळुरूच्या गजबजलेल्या शहरात हे ठिकाण अतिशय शांत आणि प्रसन्न वाटते.
ALSO READ: Mahadev Temples in Maharashtra महाशिवरात्रीच्या पवित्र पर्वावर जागृत मंदिरांचे घ्या दर्शन
