अक्षय कुमार आणि अर्शद वारसी यांचा ‘जॉली एलएलबी ३’ चित्रपट अखेर थिएटरमध्ये प्रदर्शित झाला आहे. या चित्रपटाला प्रेक्षक आणि समीक्षकांकडून संमिश्र प्रतिसाद मिळत आहे. या चित्रपटात विनोद आणि गंभीर मुद्द्याची सांगड घालण्यात आली आहे.
चित्रपटाच्या पहिल्या दिवसाच्या कलेक्शनची आकडेवारीही समोर आली आहे. ‘जॉली एलएलबी ३’ चित्रपटाने पहिल्या दिवशी अपेक्षेपेक्षा थोडी कमी कमाई केली. अंदाजे ८० कोटी रुपये खर्चून बनवलेल्या या चित्रपटाची सुरुवात मंदावली.
वृत्तानुसार, पहिल्या दिवशी बॉक्स ऑफिसवर या चित्रपटाने १२.५० कोटी रुपये कमावले. पहिल्या भागाने पहिल्या दिवशी ३.५ कोटी रुपये कमावले होते, तर दुसऱ्या भागाने पहिल्या दिवशी १३.२० कोटी रुपये कमावले होते.
“जॉली एलएलबी ३” चित्रपटाच्या कलेक्शनमध्ये आठवड्याच्या शेवटी वाढ होण्याची अपेक्षा आहे.
“जॉली एलएलबी ३” ची कथा शेतकऱ्यांच्या संघर्षावर आणि त्यांच्या हक्कांसाठीच्या लढ्यावर आधारित आहे. या चित्रपटात अक्षय कुमार (जगदीश्वर मिश्रा) आणि अर्शद वारसी (जगदीश त्यागी) न्यायालयात आमनेसामने येतात. न्यायाधीशाची भूमिका साकारणारा सौरभ शुक्ला पुन्हा एकदा प्रेक्षकांची मने जिंकत आहे.
ALSO READ: दक्षिणेतील अभिनेता ज्युनियर NTR शूटिंग दरम्यान जखमी, किरकोळ दुखापत
“जॉली एलएलबी ३” चे दिग्दर्शन सुभाष कपूर यांनी केले आहे. या चित्रपटात अक्षय कुमार आणि अर्शद वारसी यांच्यासोबत अन्नू कपूर, बोमन इराणी, अमृता राव, सीमा बिस्वास, संजय मिश्रा, गजराज राव, शरत सक्सेना, सौरभ सचदेव, शरद केळकर आणि राम कपूर यांच्या भूमिका आहे.
ALSO READ: दिशा पटानीच्या घरावर झालेल्या गोळीबार प्रकरणी गोल्डी बरार टोळीतील 4 गोळीबार करणाऱ्यांना अटक
Edited By- Dhanashri Naik