माजी केंद्रीय मंत्री जसवंत सिंह यांच्या सुनेचा रस्ता अपघातात मृत्यू
दिल्ली मुंबई द्रुतगती मार्गावर नौगाव पोलीस ठाण्याच्या हद्दीत भीषण अपघात झाला. यामध्ये माजी केंद्रीय मंत्री जसवंत सिंह यांची सून आणि माजी खासदार मानवेंद्र सिंह यांच्या पत्नी चित्रा सिंह यांचा मृत्यू झाला, तर मानवेंद्र सिंह आणि त्यांचा मुलगा हमीर सिंह गंभीर जखमी झाले. दोघांवर अलवर येथील सोलंकी रुग्णालयात उपचार सुरू आहेत.या अपघातात मानवेंद्र सिंह यांच्या कारचा चालकही गंभीर जखमी झाला आहे.
त्यांच्यावर बडोदामेव रुग्णालयात उपचार सुरू होते. मात्र त्यालाही उपचारासाठी अलवर येथे रेफर केले आहे. मानवेंद्र सिंग कार चालवत होते आणि त्यांच्या शेजारच्या सीटवर त्यांची पत्नी चित्रा सिंह बसली होती. मानवेंद्र यांचा मुलगा हमीर सिंग आणि चालक मागच्या सीटवर बसलेले होते. बाडमेरचे माजी खासदार मानवेंद्र सिंह पत्नी चित्रा आणि मुलगा हमीर सिंह यांच्यासह दिल्लीहून जयपूरला जात होते. दिल्ली मुंबई द्रुतगती मार्गावरील 82.8 किमी रसगन आणि खुशपुरी दरम्यान, वाहनाचा अचानक तोल गेला आणि पुलाच्या भिंतीला धडकली.
या अपघातात मानवेंद्र सिंह यांच्या पत्नी चित्रा सिंह यांचा मृत्यू झाला. तर मानवेंद्र सिंह आणि त्यांच्या मुलाची प्रकृती चिंताजनक आहे. दोघांनाही तत्काळ अलवर येथील सोलंकी रुग्णालयात उपचारासाठी दाखल करण्यात आले. चित्रा सिंह यांचा मृतदेह राजीव गांधी रुग्णालयाच्या शवागारात ठेवण्यात आला आहे. तर मानवेंद्र सिंह, त्यांच्या मुलावर रुग्णालयाच्या आयसीयूमध्ये उपचार सुरू आहेत.
हा अपघात कसा झाला याचा तपास सुरू आहे. या प्रकरणाची माहिती घटनास्थळी मिळताच जखमींना तातडीने अलवर येथे उपचारासाठी आणण्यात आले. येथे डॉक्टरांनी चित्रा सिह यांना मृत घोषित करण्यात आले. .या प्रकरणाची माहिती मिळताच भाजप आणि काँग्रेसचे सर्व वरिष्ठ नेते रुग्णालयात पोहोचले. यावेळी जिल्हाधिकारी व पोलीस अधीक्षक व इतर प्रशासकीय अधिकारी उपस्थित होते.
Edited by – Priya Dixit