अमरावतीत चिकनच्या तुकड्या वरून मोठ्या भावाने केली लहान भावाची निर्घृण हत्या
अमरावती जिल्ह्यातून एक भयानक घटना समोर आली आहे . एका चिकनच्या तुकड्यावरून मोठ्याभावाने केली आपल्या 12 वर्षाच्या लहान मावस भावाची हत्या. या प्रकरणी मोठ्या भावाला पोलिसांनी अटक केली आहे.
ALSO READ: भिवंडीतील एका डाईंग कंपनीत भीषण आग, तीन मजले जळून खाक
सदर घटना अमरावतीच्या भातुकली परिसरातील आहे. मिळालेल्या माहितीनुसार, जीतेराजा गौड(12) आणि त्याच्या मावशीचा मुलगा बब्बू हे जेवायला बसले होते. त्यांच्या एका चिकनच्या तुकड्यावरून किरकोळ वाद झाले. तू चिकनचे तुकडे जास्त खालले आहे असे आरोपी ने मयत ला म्हटले. या वरून दोघांमध्ये वाद झाला आणि मोठ्या भावाने लहान भावाच्या लोखंडी वस्तूने हल्ला केला आणि त्याच्या घरातच त्याची हत्या केली.
ALSO READ: एमएससी बँक घोटाळ्यात अजित पवार आणि सुनेत्रा पवार यांना क्लीन चिट
मृत आणि आरोपी दोघेही मूळचे मध्य प्रदेशचे रहिवासी होते आणि कामासाठी भातकुल तालुक्यात त्यांच्या कुटुंबियांसोबत राहत होते. घटनेच्या वेळी आरोपीचे आईवडील घरी नव्हते आणि तो त्याच्या मावशीच्या घरी जेवायला आला होता.
हत्येनंतर, प्रकरण अपघात म्हणून दाखवण्याचा प्रयत्न करण्यात आला. मृताच्या वडिलांनी पोलिसात तक्रार दाखल केली की त्यांचा मुलगा आणि भाचा पाणी आणण्यासाठी बाहेर गेले असताना त्यांना एका अज्ञात वाहनाने धडक दिली, ज्यामुळे त्यांच्या मुलाचा जागीच मृत्यू झाला.
ALSO READ: अकोल्यात महावितरणचा सर्जिकल स्ट्राईक, १० लाखांचा दंड ठोठावला
तथापि, पोलिसांना गुन्ह्याच्या ठिकाणी आणि वडिलांच्या जबाबात विरोधाभास आढळून आला. पोलिसांनी कुटुंबातील सदस्यांची कठोर चौकशी केली तेव्हा संपूर्ण प्रकरण उघडकीस आले. तपासात हा अपघात नसून हत्येचा गुन्हा असल्याचे उघड झाले. मृताच्या वडिलांविरुद्धही गुन्हा दाखल करण्यात आला आहे.
या घटनेनंतर, आरोपी बब्बू गौड याने संशय येऊ नये म्हणून स्वतःलाही जखमी केल्याचे वृत्त आहे.
अमरावती पोलिसांनी या प्रकरणाचा सखोल तपास केला आणि सत्य उघड केले. आरोपी बब्बू गौड याला अटक करण्यात आली आहे. मृताच्या वडिलांनाही पुरावे लपवल्याबद्दल आणि खोटी तक्रार दाखल केल्याच्या आरोपाखाली ताब्यात घेण्यात आले आहे.
या घटनेने संपूर्ण परिसर हादरून गेला आहे. किरकोळ वादामुळे इतके भयानक परिणाम होतील याची कोणीही कल्पना केली नव्हती. पोलिस पुढील कायदेशीर कारवाई करत आहेत आणि तपास करत आहे.
Edited By – Priya Dixit