जिल्हा मध्यवर्ती बँकेस अर्थसहाय्य करण्याची उपमुख्यमंत्री अजित पवार यांचेकडे मागणी

जिल्हा मध्यवर्ती बँकेस अर्थसहाय्य करण्याची उपमुख्यमंत्री अजित पवार यांचेकडे मागणी

उमरगा प्रतिनिधी
आर्थिक अडचणीत असलेल्या उस्मानाबाद धाराशिव जिल्हा मध्यवर्ती सहकारी बँकेस अर्थसहाय्य करण्यासाठी चेअरमन बापुराव पाटील व माजी चेअरमन सुरेश बिराजदार यांनी उपमुख्यमंत्री, तथा वित्तमंत्री अजितदादा पवार यांची, मुंबई येथे भेट घेऊन निवेदन दिले.
अजित पवार यांनी बँकेची सद्य आर्थिक स्थिती, बँकेसमोरील अडीअडचणी तसेच त्यावर मात करणेसाठी या बँकेमार्फत सुरू असलेल्या प्रयत्नांचा सहानुभूतीपुर्वक विचार करून या बँकेने मागणी केलेला आवश्यक निधी या बँकेस मिळवून देणे बाबत आश्वस्थ केले. यावेळी,व्हाईस चेअरमन मधुकर मोटे, प्रकाश आष्टे,कार्यकारी संचालक व्ही.एल. घोगरे आदि उपस्थित होते