7 डिसेंबर पर्यंत ‘या’ स्थानकांवर प्लॅटफॉर्म तिकीट विक्री बंद

महापरिनिर्वाण दिनानिमित्त (Mahaparinirvan Diwas) प्रवाशांची मोठी गर्दी होण्याची शक्यता असल्याने मध्य रेल्वेने (central railway) 13 प्रमुख स्थानकांवर प्लॅटफॉर्म तिकिटांच्या (platform ticket) विक्रीवर तात्पुरती बंदी घातली आहे. प्लॅटफॉर्मवरील गर्दीचे व्यवस्थापन करणे आणि स्थानक परिसरात प्रवाशांची सुरक्षितता राखणे हे यामागचे उद्दिष्ट आहे. प्लॅटफॉर्म तिकिटांच्या विक्रीवर बंदी असलेल्या स्थानकांची माहिती आणि प्रभावी तारखा खालीलप्रमाणे आहेत: • मुंबई (mumbai) विभागातील छत्रपती शिवाजी महाराज टर्मिनस आणि दादर स्थानकावर 05/12/2025 ते 07/12/2025 पर्यंत प्लॅटफॉर्म तिकीट विक्री बंद • भुसावळ विभागातील भुसावळ, नाशिक रोड, मनमाड, जळगाव, अकोला, शेगाव, पाचोरा, बडनेरा, मलकापूर आणि चाळीसगाव स्थानकावर 05/12/2025 आणि 06/12/2025 रोजी  प्लॅटफॉर्म तिकीट विक्री बंद सवलत: वृद्ध व्यक्ती, ज्येष्ठ नागरिक, आजारी व्यक्ती, मुले, निरक्षर व्यक्ती आणि महिला प्रवाशांना प्रवास सुलभ करण्यासाठी या निर्बंधांमधून सूट देण्यात आली आहे. प्रवाशांना सुरळीत आणि सुरक्षित प्रवास अनुभवासाठी त्यानुसार नियोजन करण्याची आणि नवीन नियमांचे पालन करण्याची विनंती करण्यात येत आहे.हेही वाचा मुंबईत ‘या’ दोन नवीन मेट्रो लाईन्स डिसेंबर अखेरपर्यंत सुरू होणार उरण लाईनवर 10 नव्या लोकल धावणार