कचरा टाकणाऱ्यांवर क्लीन अप मार्शलची कारवाई

कचरा टाकणाऱ्यांवर क्लीन अप मार्शलची कारवाई

मुंबई (mumbai) शहर आणि उपनगरात कचरा टाकणाऱ्यांवर कारवाई करण्यासाठी महापालिकेने (bmc) क्लीन अप मार्शल नेमले आहेत. गेल्या आठ महिन्यांत क्लीन अप मार्शलच्या मदतीने पालिकेने कचरा टाकणाऱ्यांवर मोठ्या प्रमाणात कारवाई केली आहे. या कारवाईत महापालिकेने 3 कोटी 41 लाखांचा दंड वसूल केला आहे. पालिकेच्या अ प्रभागातून सर्वाधिक म्हणजे 63 लाख रुपयांहून अधिक दंड वसूल करण्यात आला आहे.सार्वजनिक स्वच्छतेच्या नियमांचे उल्लंघन करणाऱ्यांवर दंडात्मक कारवाई करण्यासाठी महापालिकेने (BMC) 2 एप्रिलपासून क्लीन अप मार्शल नियुक्त केले आहेत. सुरुवातीला पालिकेच्या अ विभागात तंत्रज्ञानाच्या मदतीने डिजिटल पद्धतीने कर वसुली करण्यात आली. त्यानंतर अ विभागाकडून मिळालेला सकारात्मक प्रतिसाद लक्षात घेऊन पालिकेच्या इतर विभागातही क्लीन अप मार्शल (cleanup marshal) नेमण्यात आले. सध्या महापालिकेच्या 24 प्रभागांमध्ये 1087 क्लीन अप मार्शलच्या मदतीने कचरा टाकणाऱ्यांवर कारवाई सुरू आहे. महापालिकेने विभाग अ कडून अंदाजे 63 लाख 33 हजार 712 रुपयांचा दंड वसूल केला आहे. आर मध्य विभागातून 28 लाख 44 हजार 800 रुपये, आर दक्षिण विभागाकडून 24 लाख 56 हजार 700 रुपये आणि एफ उत्तर विभागाकडून 22 लाख 66 हजार 400 रुपये दंड वसूल करण्यात आला आहे. पालिकेच्या एम पश्चिम विभागाकडून सर्वात कमी दंड म्हणजेच 3 लाख रुपये वसूल करण्यात आले.नियमांचे उल्लंघन करणाऱ्यांना आकारण्यात येणारा दंड मॅन्युअली लिहून देण्याऐवजी मोबाईल ॲपद्वारे छापील पावती दिली जाते. याशिवाय दंडाची रक्कम ऑनलाइन भरण्याचा पर्यायही पालिकेने दिला आहे. डिजिटल प्रक्रियेमुळे महापालिकेकडून कोणत्या दिवशी, कोणत्या ठिकाणी, कोणत्या विभागात किती दंड आकारण्यात आला, याची अचूक माहिती मिळणे सोपे झाले आहे.हेही वाचानवीन जेट्टीच्या कामासाठी खारफुटींची कत्तलम्हाडाच्या विशेष मोहिमेला अखेर चांगला प्रतिसाद

Go to Source