सुंदर आणि दाट केसांसाठी केळी आणि ऑलिव्ह ऑईल वापरण्याचे फायदे जाणून घ्या
सुंदर आणि लांब केस हे प्रत्येक महिलेला आवडते. परंतु आजच्या काळात चुकीचे खाणेपिणे आणि धकाधकीच्या जीवनशैलीचा परिणाम केवळ आरोग्यावर होत नाही तर त्याचा विपरीत परिणाम केसांवरही दिसून येत आहे. केस गळण्यापासून ते टक्कल पडणे आणि केस अकाली पांढरे होणे या समस्यांचा तुमच्या सौंदर्यावर परिणाम होतो.
ALSO READ: केसगळती रोखण्यासाठी हे हेअर पॅक लावा
केसांची काळजी घेण्यासाठी त्यांना अतिरिक्त पोषण देणे आवश्यक आहे. अशा परिस्थितीत केळी आणि ऑलिव्ह ऑईल तुमच्यासाठी उपयोगी ठरू शकते. हे तुमचे केस मजबूत बनवते तसेच ओलावा प्रदान करते. केसांच्या निगा राखण्याच्या दिनचर्येत केळी आणि ऑलिव्ह ऑइलचा समावेश करण्याच्या पद्धतींबद्दल सांगत आहोत, चला या काही टिप्स जाणून घ्या.
1 कोरड्या आणि तेलकट केसांसाठी केळी आणि ऑलिव्ह ऑइल-
हा हेअर मास्क कोरड्या आणि तेलकट दोन्ही केसांवर काम करतो. त्यामुळे केसांना अतिरिक्त पोषण देण्यासाठी केळी आणि ऑलिव्ह ऑइलसोबत अंडी वापरू शकता.
ALSO READ: केस गळती थांबवण्यासाठी केसांना भेंडीचे पाणी लावा
साहित्य-
1 पिकलेले केळे
2 अंडी
1 टीस्पून ऑलिव्ह ऑइल
1 टीस्पून मध
कसे बनवावे-
सर्वप्रथम केळीला काट्याने मॅश करा.
एका भांड्यात अंडी फेटून घ्या.
आता त्यात ऑलिव्ह ऑईल आणि मध घाला.
सर्व साहित्य मिक्स करावे.
तुम्ही हे मिश्रण मलमलच्या कापडाच्या साहाय्याने गाळून घ्या जेणेकरुन मिश्रणात केळीच्या गुठळ्या राहणार नाहीत.
आता तुम्ही तुमच्या केसांचे विभाग करत जा आणि हा मास्क लावा.
हे मिश्रण केसांच्या मुळापासून टोकापर्यंत लावा.
साधारण 45 मिनिटांनंतर केस सौम्य शैम्पूने धुवा.
2 फ्रिजी केसांसाठी केळी आणि ऑलिव्ह ऑइल-
हा हेअर मास्क तुमच्या केसांना कंडिशन करतो. ज्यामुळे फ्रिजी आणि अनियंत्रित केस मॅनेज करणे सोपे होते.
ALSO READ: घरी राहून तुमचे केस सुंदर आणि रेशमी बनवण्यासाठी पार्लरसारखा हेअर स्पा वापरून पहा
आवश्यक साहित्य
1 पिकलेले केळे
2 चमचे ऑलिव्ह तेल
कसे वापरावे-
* सर्व प्रथम, एक पिकलेले केळे घ्या आणि चांगले फेणून घ्या.
* या केळीच्या पेस्टमध्ये ऑलिव्ह ऑइल घालून चांगले मिसळा.
* आता तुमचे केस विभाजित करा आणि हेअर कलर ब्रशच्या मदतीने, मिश्रण मुळांपासून लावायला सुरुवात करा.
* केसांचा मास्क नीट लावा जेणे करून स्कॅल्प आणि केसांना पूर्णपणे लागेल.
* आपले केस सैल बनमध्ये बांधा आणि शॉवर कॅपने झाकून ठेवा.
* केसांचा मास्क 30 मिनिटांसाठी ठेवा.
* आपले केस शैम्पू करण्यापूर्वी मास्क थंड पाण्याने धुवा.