LIVE अयोध्येत राम मंदिर प्राणप्रतिष्ठा सोहळा आज
राम मंदिराचा प्रतिष्ठापना सोहळा आज अयोध्येत पार पडत आहे.
या सोहळ्याला पंतप्रधान नरेंद्र मोदींसह अनेक संतमहंत तिथे उपस्थित राहणार आहेत.
2019 मध्ये सुप्रीम कोर्टाने दिलेल्या निर्णयानंतर राम मंदिर उभारणीची सुरुवात झाली होती.
काँग्रेस नेत्यांनी आता रामनवमीला अयोध्येला जाण्याचा निर्णय घेतला आहे.
या सोहळ्यानिमित्त देशभरात विविध कार्यक्रमाचं आयोजन करण्यात आलंय.
महाराष्ट्रासह सहा राज्यांनी आज सुटी जाहीर केली आहे.
10,000 सीसीटीव्ही कॅमेरे, AI फिचर असलेले ड्रोन कॅमेरे, यांच्या माध्यमातून सर्व घडामोडींवर नजर ठेवली जात आहे.
श्रीराम जन्मभूमी तीर्थक्षेत्र ट्रस्टने या सोहळ्यात सहभागी होणाऱ्या भक्तांसाठी महाप्रसादाचं आयोजन केलं असून महाप्रसादाची 20 हजार पाकिटं तयार करण्यात आली आहेत.