आर्याना सबालेन्काची सलग दुसऱ्यांदा ऑस्ट्रेलियन ओपनवर मोहोर
Bharat Live News Media ऑनलाईन : ऑस्ट्रेलियन ओपन २०२४ च्या बहुप्रतिक्षित महिला एकेरीच्या अंतिम फेरीत द्वितीय मानांकित बेलारूसच्या आर्याना सबालेन्का हिने चीनच्या १२व्या मानांकित क्विनवेन झेंग हिचा पराभव करत विजेतेपद पटकावले. आर्यानाने किनवेनला ६-३, ६-२ अशा सरळ सेटमध्ये हरवले. आर्यानाने ऑस्ट्रेलियन ओपन २०२३ स्पर्धेचे महिला एकेरीची विजेतेपद पटकावले होते. आता तिने दुसऱ्यांदा ऑस्ट्रेलियन ओपनच्या विजेतेपदावर मोहोर उमटवली आहे.
आर्याना सबालेन्काने विजेतेपद राखण्याच्या दिशेने एक पाऊल पुढे टाकत दमदार सुरुवात केली होती. तिने क्विनवेन झेंग विरुद्ध पहिला सेट ६-३ असा जिंकला. त्यानंतर सबालेन्काने खेळावर वर्चस्व राखत झेंगला दुसऱ्या सेटमध्येही संधी दिली नाही. तिने दुसरा सेटमध्ये ६-२ ने जिंकला. दुसऱ्या सेटमध्ये सबालेन्का ५-२ ने आघाडीवर होती. यावेळी झेंगने चिवट झुंज देत तिची सर्व्हिस ब्रेक करण्याचा प्रयत्न केला. पण सबालेन्काने सर्व्हिस कायम ठेवत ऑस्ट्रेलियन ओपनवर मोहोर उमटवली.
२०१३ नंतर ऑस्ट्रेलियन ओपनचे सलग दुसऱ्यांदा विजेतेपद मिळवणारी ती पहिली महिला ठरली आहे. तिचे हे दुसरे ग्रँड स्लॅम विजेतेपद आहे.
BACK 🏆 TO 🏆 BACK@SabalenkaA is our #AO2024 champion! pic.twitter.com/OcVy2V9ley
— #AusOpen (@AustralianOpen) January 27, 2024
Australian Open 2024: Aryna Sabalenka wins Women’s singles title; defeats Qinwen Zheng 6-3 6-2 in final.#AustralianOpen
— ANI (@ANI) January 27, 2024
हे ही वाचा :
अक्षरने तोडली पोप आणि फॉक्स यांची ११२ धावांची भागीदारी, इंग्लंडला सहावा धक्का
जबरदस्त..! विराट कोहली ठरला 2023 चा सर्वोत्कृष्ट वनडे खेळाडू
Latest Marathi News आर्याना सबालेन्काची सलग दुसऱ्यांदा ऑस्ट्रेलियन ओपनवर मोहोर Brought to You By : Bharat Live News Media.