नंदुरबारच्या आदित्यला मरणोत्तर राष्ट्रीय शौर्य पुरस्कार
नवी दिल्ली, Bharat Live News Media वृत्तसेवा : महाराष्ट्रातील नंदुरबार जिल्ह्याच्या आदित्य ब्राह्मणे यांना मरणोत्तर प्रधानमंत्री राष्ट्रीय शौर्य पुरस्कार प्रदान करण्यात येणार आहे. आदित्यने आपल्या चुलत भावाचा जीव वाचवण्यासाठी आपला प्राण गमावला. २२ जानेवारीला राजधानी दिल्लीत राष्ट्रपती द्रौपदी मुर्मू यांच्या हस्ते राष्ट्रीय शौर्य पुरस्कार प्रदान करण्यात येणार आहेत. National Bravery Awards
यंदाच्या प्रधानमंत्री राष्ट्रीय बाल पुरस्कारासाठी देशातील १८ जिल्ह्यांमधून असामान्य कामगिरी करणाऱ्या १९ मुलांची निवड करण्यात आली आहे. पंतप्रधान नरेंद्र मोदी २३ जानेवारीला राष्ट्रीय बाल पुरस्कार विजेत्यांशी संवाद साधतील. प्रजासत्ताक दिनाच्या संचलनातही ही मुले सहभागी होणार आहेत. केंद्रीय महिला व बाल विकास मंत्रालयाने याबाबतची माहिती दिली आहे. National Bravery Awards
National Bravery Awards : भावाचा जीव वाचवण्यासाठी आदित्यने प्राण गमावला
आदित्य ब्राह्मणे आणि त्यांचा चुलत भाऊ नदीच्या किनाऱ्याजवळ खेळत होते. खेळताना त्यांचा चुलत भाऊ बुडू लागला. हे पाहून आदित्यने धोका असलेला उतार लक्षात न घेता खोल पाण्यात उतरून आपल्या चुलत भावाला वाचवण्याचा प्रयत्न केला. दुर्दैवाने, आदित्य खूप खोल गेला, त्याला लगेच शोधणे कठीण झाले. आदित्यचा प्रयत्न व्यर्थ गेला आणि त्याचा बुडून मृत्यू झाला. मात्र, कठीण प्रसंगात आदित्यने आपले अतुलनीय शौर्य दाखविले. त्याच्या या शौर्यपूर्ण प्रयत्नाबद्दल त्याला मरणोत्तर शौर्य पुरस्कार देऊन सन्मानित करण्यात येणार आहे.
हेही वाचा
Delhi Babar Road News : दिल्लीतील बाबर रोडच्या जागी अयोध्या मार्ग? काय प्रकरण?
Breaking : प्रजासत्ताक दिनी महाराष्ट्राच्या चित्ररथातून होणार नारी शक्तीचे दर्शन
IPL 2024 : आयपीएलची स्पॉन्सरशीप पुन्हा टाटा समूहाकडे; मोजले ‘इतके’ कोटी
Latest Marathi News नंदुरबारच्या आदित्यला मरणोत्तर राष्ट्रीय शौर्य पुरस्कार Brought to You By : Bharat Live News Media.
