डायबेटीजवर कांद्याचा अर्क ठरतो गुणकारी! संशाेधन काय सांगते?
न्यूयॉर्क ः जगभरात मधुमेहाचे रुग्ण वाढले आहेत. विशेषतः भारत तर मधुमेहाची (डायबेटीज) राजधानीच बनला असल्याचे नेहमी म्हटले जाते. अशावेळी मधुमेहावर सातत्याने संशोधने होत असतात. एका संशोधनानुसार कांद्याचा अर्क (onion extract) मधुमेहावर रामबाण उपाय ठरू शकतो. यासंदर्भातील एका संशोधनाचा अहवाल समोर आला आहे.
onion extract :कांदा डायबेटीजला नियंत्रणात ठेवण्यासाठी सर्वात परिणामकारक
संशोधकांनी दिलेल्या माहितीनुसार, कांदा हा डायबेटीजला नियंत्रणात ठेवण्यासाठी सर्वात स्वस्त आणि परिणामकारक आहे. सन 2022 मध्ये अमेरिकातील सॅन डियागोमध्ये एडोक्राइन सोसायटीच्या 97 व्या वार्षिक बैठकीमध्ये कांद्याच्या अर्काचा मधुमेहाला नियंत्रणात ठेवण्यासाठी कसा उपयोग केला जाऊ शकतो यासंदर्भातील संशोधन अहवाल सादर करण्यात आला.
‘डेली मेल’ने दिलेल्या वृत्तानुसार, नियमितपणे कांद्याच्या अर्काचं सेवन केल्याने रक्तामधील साखरेचं प्रमाण 50 टक्क्यांपर्यंत कमी करण्यास मदत मिळू शकते, असा दावा संशोधकांनी केला आहे. इतकेच नाही तर कांद्याचा अर्ज मधुमेहाबरोबरच कोलेस्टेरॉल आणि स्थूलपणा नियंत्रणात ठेवण्यासाठीही फायद्याचा ठरू शकतो. अर्थात यावर अधिक संशोधनाची गरज असल्याचंही सांगितले जात आहे. हे संशोधन उंदरांवर करण्यात आले आहे. यामध्ये मधुमेह असलेल्या उंदरांना वजनाप्रमाणे 400 मिलीग्रॅम आणि 600 मिलीग्रॅम कांद्याचा अर्क देण्यात आला होता. या उंदरांच्या रक्तातील साखरेचं प्रमाणे 50 ते 35 टक्क्यांपर्यंत कमी झाल्याचे दिसून आले.
हेही वाचा :
गृहिणींचे आराेग्य सर्वात महत्त्वाचे, कशी असावी आरोग्यदायी दिनचर्या?
थंड तेलातील अतिकापराचे प्रमाण धोक्याचे; ‘या’ आराेग्याच्या समस्या निर्माण होऊ शकतात
Postpone periods : सणात मासिक पाळी टाळण्यासाठी गोळ्या खाताय? जाणून घ्या आराेग्यावर हाेणारे परिणाम
Latest Marathi News डायबेटीजवर कांद्याचा अर्क ठरतो गुणकारी! संशाेधन काय सांगते? Brought to You By : Bharat Live News Media.
