एसटीच्या अधिकार्यांकडून मोरगाव बसस्थानकाची तपासणी
मोरगाव : Bharat Live News Media वृत्तसेवा : मोरगाव (ता. बारामती) येथील एसटी बसस्थानकाची ‘हिंदुहृदयसम—ाट बाळासाहेब स्वच्छ व सुंदर बसस्थानक अभियानांतर्गत पाहणी करण्यात आली. महाराष्ट्र राज्य मार्ग परिवहन महामंडळाच्या मुंबई विभागाचे उपयंत्र अभियंता सचिन पवार व विभागीय सांख्यिकीय अधिकारी पीयूष बाविस्कर, पुणे विभागीय नियंत्रक नंदकुमार चांदगुडे यांनी मोरगाव बसस्थानकाची पाहणी करून अभिलेखाची तपासणी केली. या वेळी बारामती एमआयडीसी आगाराचे नियंत्रक प्रमोद तरटे उपस्थित होते. मोरगाव बसस्थानकाचे नियंत्रक सचिन मोरे यांनी अधिकार्यांना माहिती दिली. बसस्थानकाबद्दलची सर्वेक्षण पुस्तिका सर्वेक्षण अधिकारी अशोक वेदपाठक यांच्याकडून भरून देण्यात आली. सुपा-निरा एसटी बससेवा सुरू करण्याची मागणी करण्यात आली. या सेवेबाबत लवकरच कार्यवाही करण्यात येईल, असे आश्वासन अधिकार्यांनी या वेळी दिले.
Latest Marathi News एसटीच्या अधिकार्यांकडून मोरगाव बसस्थानकाची तपासणी Brought to You By : Bharat Live News Media.
