.. अन्यथा, आम्ही टर्मिनलचे उद्घाटन करू : काँग्रेसचा इशारा
पुणे : Bharat Live News Media वृत्तसेवा : लोहगाव विमानतळावरील नूतन टर्मिनल 15 तारखेपर्यंत सुरू न केल्यास 16 जानेवारीला आम्ही टर्मिनलचे उद्घाटन करू, असा इशारा काँग्रेसचे प्रदेश उपाध्यक्ष मोहन जोशी यांनी दिला आहे. विमान प्रवाशांची संख्या वाढू लागल्याने 525 कोटी रुपये खर्चून लोहगाव विमानतळावर नवे टर्मिनल उभारण्यात आले. या नवीन टर्मिनलचे काम ऑगस्ट 2023 पूर्वीच पूर्ण झाले, चाचण्याही झाल्या. त्यामुळे हे टर्मिनल कार्यान्वित व्हावे, यासाठी विमान प्रवाशांनी सोशल मीडियाद्वारे केंद्रीय हवाई वाहतूक मंत्रालय आणि एअर पोर्ट अ‍ॅथॉरिटीचे लक्ष वेधले.
नव्या टर्मिनलचे उद्घाटन सप्टेंबरमध्ये होईल, असे हवाई वाहतूक मंत्री ज्योतिरादित्य शिंदे यांनी जाहीर केले. मात्र, या टर्मिनलचे उद्घाटन झाले नाही. या टर्मिनलचे 1 जानेवारीपूर्वी उद्घाटन न झाल्यास तीव्र आंदोलन करण्याचा इशारा काँग्रेसच्या वतीने देण्यात आला होता.
यानंतर जोशी यांच्यासह आमदार रवींद्र धंगेकर, दत्ता बहिरट, सुनील मलके यांनी पुणे विमानतळ प्राधिकरणाच्या संचालकांना भेटून गुलाब पुष्प आणि निवेदन देत गांधीगिरी मार्गाने आंदोलन केले. तसेच, नवीन टर्मिनलचे 15 जानेवारीपर्यंत उद्घाटन न केल्यास 16 जानेवारीला आम्ही उद्घाटन करू, असा इशारा दिला.
हेही वाचा
कोल्हापूरला लागलीय ‘मधुरक्रांती’ची चाहूल!
अर्थकारण : विकासाचा पर्यायी मार्ग
शिक्षक भरतीच्या जागांचे 15 जानेवारीपर्यंत चित्र स्पष्ट होणार
Latest Marathi News .. अन्यथा, आम्ही टर्मिनलचे उद्घाटन करू : काँग्रेसचा इशारा Brought to You By : Bharat Live News Media.
