हेजहॉगच्या पाच नव्या प्रजातींचा शोध
लंडन : चिचुंद्रीसारख्या दिसणार्‍या हेजहॉग या प्राण्याच्या नव्या पाच प्रजातींचा शोध लावण्यात आला आहे. या पाच प्रजाती ‘सॉफ्ट-फर हेजहॉग’च्या आहेत. आग्नेय आशियात या प्रजाती शोधण्यात आल्या.
स्मिथसोनियन नॅशनल म्युझियम ऑफ नॅचरल हिस्टरीमधील डॉ. मेलिसा हॉकिन्स यांनी याबाबतची माहिती दिली. या शोधामुळे भूतलावर प्राण्यांचे किती वैविध्य आहे हेच दिसून येत असल्याचे त्यांनी सांगितले. त्या म्हणाल्या, निसर्गाची आपल्याला पुरती जाण असल्यासारखे आपल्याला वाटते, पण सस्तन प्राण्यांमधील छोट्या जीवांविषयीही आपल्याला अजून पूर्ण माहिती नाही. सॉफ्ट फर हेजहॉग हे आकाराने छोटे, लांब नाकाचे सस्तन प्राणी आहेत. ते सामान्य हेजहॉगच्या कुळातीलच असले तरी त्यांच्या शरीरावर काटेदार केसांऐवजी मऊ केस असतात; मात्र त्यांचे दात अतिशय तीक्ष्ण असतात. आग्नेय आशियात अशा मऊ केसांच्या हेजहॉगच्या पाच नव्या प्रजाती मिळाल्या आहेत.
Latest Marathi News हेजहॉगच्या पाच नव्या प्रजातींचा शोध Brought to You By : Bharat Live News Media.
