सोलापूर : पोलीस शिपायाने स्वत:वरच झाडल्या तीन गोळ्या; प्रकृती गंभीर
सोलापूर, पुढारी वृत्तसेवा : सोलापूर जिल्हा कारागृहातील शिपायाने शनिवारी (दि.९) सांयकाळी सहाच्या सुमारास स्वत:जवळील बंदुकीतून कारागृहाच्या प्रवेशव्दारातच स्वतःवर तीन गोळ्या झाडल्या. विकास गंगाराम कोळपे (वय ३२, रा. जिल्हा कारागृह वसाहत, सोलापूर ) असे शिपायाचे नाव आहे. त्याची प्रकृती गंभीर असून त्याच्यावर अतिदक्षता विभागात उपचार सुरु आहेत. दरम्यान पोलीस शिपायाने जीवन संपवण्याचा प्रयत्न कशामुळे केला? हे अद्याप समजू शकलेले नाही.
याबाबत अधिकचा माहिती अशी की, विकास कोळपे हा पोलीस शिपाई नेहमीप्रमाणे कारागृहाच्या प्रवेशव्दारात गार्ड म्हणून कर्तव्य बजावत होता. सायंकाळी सव्वासहाच्या सुमारास एसएलआर बंदुकीतून गोळ्या झाडल्याच्या आवाज कारागृहात झाला. त्यांनतर कारागृहात एकच गोंधळ उडाला. तेथे कर्तव्यावर असलेल्या अन्य कर्मचाऱ्यांच्या मदतीने तुरुंगाधिकारी प्रदिप बाबर यांनी रक्‍ताने माखलेल्या विकास यास तातडीने शासकीय रुग्णालयात दाखल केले.
बंदुकीतील गोळ्या छातीला व बरगडीला घासून गेल्याचे पोलिसांनी सांगितले. दरम्यान घटनेची महिती मिळताच, कारागृहाचे अधीक्षक हरीभाऊ मिंड आणि इतर अधिकारी रुग्णालयात दाखल झाले. विकास हा मुळचा पुणे जिल्ह्यातील देवाची आळंदी येथील रहिवाशी आहे. तो २०१३ मध्ये कोल्हापूर कारागृह, २०१६ मध्ये येरवडा कारागृह, त्यानंतर २०१७ मध्ये अहमदनगर व २०१९ मध्ये त्याने सांगली कारागृह येथे सेवा बजावली आहे. वर्ष २०२१ जुलैच्या महिन्यात तो बदलीने सोलापूर जिल्हा कारागृह येथे सेवेत दाखल झाला. त्याच्यावर उपचार करण्यासाठी त्यास खासगी रुग्णालयात हलविल्याची माहिती अधिष्ठाता सुधीर देशमुख यांनी दिली.
हेही वाचलंत का?
Congress Meeting : काँग्रेसमध्ये बैठकांचे सत्र, निवडणुकीतील राजस्थान, मिझोराम मधील पराभवावर चिंतन
Maharashtra Politics : फडणवीसांच्या पत्रावर सुप्रिया सुळे म्हणाल्या, “नवाब मलिक यांनी …”
The post सोलापूर : पोलीस शिपायाने स्वत:वरच झाडल्या तीन गोळ्या; प्रकृती गंभीर appeared first on पुढारी.
सोलापूर, पुढारी वृत्तसेवा : सोलापूर जिल्हा कारागृहातील शिपायाने शनिवारी (दि.९) सांयकाळी सहाच्या सुमारास स्वत:जवळील बंदुकीतून कारागृहाच्या प्रवेशव्दारातच स्वतःवर तीन गोळ्या झाडल्या. विकास गंगाराम कोळपे (वय ३२, रा. जिल्हा कारागृह वसाहत, सोलापूर ) असे शिपायाचे नाव आहे. त्याची प्रकृती गंभीर असून त्याच्यावर अतिदक्षता विभागात उपचार सुरु आहेत. दरम्यान पोलीस शिपायाने जीवन संपवण्याचा प्रयत्न कशामुळे केला? हे …
The post सोलापूर : पोलीस शिपायाने स्वत:वरच झाडल्या तीन गोळ्या; प्रकृती गंभीर appeared first on पुढारी.
