ब्रेकिंग! प्रतीक्षा संपली! राज्याचा दहावीचा निकाल २७ मे रोजी
Bharat Live News Media ऑनलाईन डेस्क : महाराष्ट्र राज्य माध्यमिक आणि उच्च माध्यमिक शिक्षण मंडळाकडून दहावीच्या निकालाची तारीख घोषीत केली आहे. सोमवारी (दि. २७) दुपारी १ वाजता दहावीचा निकाल ऑनलाईन जाहीर करण्यात येणार आहे. त्यानंतर विद्यार्थ्यांना शाळांमध्ये निकालाची छापील प्रत देण्यात येणार आहे. बोर्डाकडून दहावीचा निकाल ऑनलाईन पद्धतीनं mahresult.nic.in या वेबसाईटसह जाहीर केला जाणार आहे. SSC Result
महाराष्ट्र राज्य माध्यमिक व उच्च माध्यमिक शिक्षण मंडळाच्या पुणे, नागपूर, छत्रपती संभाजीनगर, मुंबई, कोल्हापूर, अमरावती, नाशिक, लातूर व कोकण या नऊ विभागीय मंडळांमार्फत मार्च २०२४ मध्ये घेण्यात आलेल्या माध्यमिक शालान्त प्रमाणपत्र (इ. १० वी) परीक्षेचा निकाल मंडळाच्या कार्यपध्दतीनुसार अधिकृत संकेतस्थळांवर सोमवार, दिनांक २७/०५/२०२४ रोजी दुपारी ०१.०० वाजता ऑनलाईन जाहीर करण्यात येत आहे.
अधिकृत संकेतस्थळांचे पत्ते पुढीलप्रमाणे आहेत.
1. https://mahresult.nic.in
२. http://sscresult.mkcl.org
३. https://sscresult.mahahsscboard.in
. https://results.digilocker.gov.in
4. https://results.targetpublications.org
4. https://www.tv9marathi.com
माध्यमिक शालान्त प्रमाणपत्र (इ. १० वी) मार्च २०२४ परीक्षेस प्रविष्ट झालेल्या सर्व विद्यार्थ्यांचे विषयनिहाय संपादित केलेले गुण उपरोक्त संकेतस्थळांवरुन उपलब्ध होतील व सदर माहितीची प्रत (प्रिंट आउट) घेता येईल.
https://mahresult.nic.in या संकेतस्थळावर विद्यार्थ्यांच्या निकालासोबत निकालाबाबतची
इतर सांख्यिकी माहिती उपलब्ध होईल.
तसेच https://mahahsscboard.in या संकेतस्थळावर शाळांना एकत्रित निकाल उपलब्ध करून देण्यात येणार आहे.
