बन्सीलाल हस्तीमल जैन कनिष्ठ महाविद्यालयाचा निकाल शंभर टक्के
जळगाव: Bharat Live News Media वृत्तसेवा – श्रद्धेय भवरलालजी जैन यांच्या जन्मगावी वाकोद येथील भवरलाल ॲण्ड कांताबाई जैन फाऊंडेशन संचलीत बन्सीलाल हस्तीमल जैन कनिष्ठ महाविद्यालयाच्या विज्ञान शाखेच्या इयत्ता १२ वीचा शंभर टक्के निकाल लागला आहे. यामध्ये सौरभ प्रकाश देठे ७३ टक्के गुणांसह प्रथम क्रमांकाने उत्तीर्ण झाला. तर राधिका दीपक काटे ७१.८३ टक्क्यांसह द्वितीय क्रमांक, गायत्री जगदीश भगत ६८ टक्क्यांसह तृतीय क्रमांकाने उत्तीर्ण झाली आहे.
ग्रामीण भागातील विद्यार्थ्यांना शिक्षणासाठी बाहेर न जाता, गावातच गुणवत्तापूर्ण शिक्षण मिळावे यासाठी बन्सीलाल हस्तीमल जैन यांनी ज्युनिअर कॉलेजची स्थापना केली. या कॉलेजमधील इयत्ता १२ वी ची यंदा पहिलीच बॅच होती. विज्ञान शाखेतून चांगल्या गुणांनी उत्तीर्ण झालेल्या विद्यार्थ्यांचे कौतुक जैन इरिगेशनचे अध्यक्ष अशोक जैन, सहव्यवस्थापकीय संचालक अतुल जैन, प्राचार्या रुपाली वाघ यांच्यासह शिक्षकांनी केले.
‘शिक्षण हे भवितव्याची आणि भविष्याची गुंतवणूक असते.’ या विचारांतूनच वाकोदला बन्सीलाल हस्तीमल जैन ज्युनिअर कॉलेज विद्यार्थ्यांसाठी सेवेत आहे. विज्ञान शाखेमध्ये करिअर करणाऱ्या ग्रामीण भागातील विद्यार्थ्यासाठी हे कॉलेज सर्वांगीणदृष्ट्या महत्त्वपूर्ण ठरु शकेल. यंदा पहिल्याच बॅचचे सर्वच्यासर्व विद्यार्थी प्रथम श्रेणीत उत्तीर्ण झाल्याने त्याचे विशेष कौतूक आहे. ’ – अशोक जैन, अध्यक्ष, जैन इरिगेशन सिस्टीम्स लि.
हेही वाचा:
Jalgaon Crime | ज्वेलर्स दुकान लुटणारे तिघे दरोडेखोर निघाले सख्खे भाऊ, पोलिसांकडून अटक
Pune Porsche Car Accident | आरोपीला कठोर शिक्षा झालीच पाहिजे; अमृता फडणवीसांची पोस्ट चर्चेत
पूर्व हवेलीत सलग दुसर्या दिवशी वादळी पाऊस ; कोट्यवधीच्या मालाचा चिखल